Popular Bible Verses from ລູກາ 22

Share

“ພຣະບິດາເຈົ້າ​ເອີຍ, ຖ້າ​ເປັນ​ພຣະອົງ​ຍິນດີ ຂໍ​ເອົາ​ຈອກ​ນີ້​ໄປ​ຈາກ​ລູກ​ດ້ວຍ; ແຕ່​ເຖິງຢ່າງໃດ​ກໍ​ຕາມ ຂໍ​ຢ່າ​ໃຫ້​ເປັນ​ໄປ​ຕາມ​ຄວາມ​ປະສົງ​ຂອງ​ລູກ ແຕ່​ຂໍ​ໃຫ້​ສຳເລັດ​ຕາມ​ຄວາມ​ປະສົງ​ຂອງ​ພຣະອົງ”.

ແຕ່​ຊີໂມນ​ເອີຍ ເຮົາ​ໄດ້​ອະທິຖານ​ເພື່ອ​ເຈົ້າ ເພື່ອ​ຄວາມເຊື່ອ​ຂອງ​ເຈົ້າ​ຈະ​ບໍ່​ລົ້ມເຫລວ ແລະ ເມື່ອ​ເຈົ້າ​ຫັນ​ຄືນ​ກັບ​ມາ​ແລ້ວ ຈົ່ງ​ຊູ​ກຳລັງ​ບັນດາ​ພີ່ນ້ອງ​ຂອງ​ເຈົ້າ​ໃຫ້​ເຂັ້ມແຂງ​ຂຶ້ນ”.

ແລະ ພຣະອົງ​ຈັບ​ເອົາ​ເຂົ້າຈີ່, ໂມທະນາ​ຂອບພຣະຄຸນ​ພຣະເຈົ້າ​ແລ້ວ​ຫັກ​ເຂົ້າຈີ່​ນັ້ນ ແລ້ວ​ຍື່ນ​ໃຫ້​ພວກເພິ່ນ ແລະ ກ່າວ​ວ່າ: “ນີ້​ຄື​ກາຍ​ຂອງ​ເຮົາ ເຊິ່ງ​ໃຫ້​ແກ່​ພວກເຈົ້າ​ທັງຫລາຍ, ຈົ່ງ​ເຮັດ​ຢ່າງ​ນີ້​ເພື່ອ​ເປັນ​ການ​ລະນຶກ​ເຖິງ​ເຮົາ”.

ຫລັງຈາກ​ກິນ​ອາຫານແລງ​ແລ້ວ ພຣະອົງ​ກໍ​ຈັບ​ເອົາ​ຈອກ​ມາ ແລະ ເຮັດ​ຢ່າງ​ດຽວ​ກັນ ໂດຍ​ກ່າວ​ວ່າ, “ຈອກ​ນີ້​ຄື​ພັນທະສັນຍາ​ໃໝ່​ດ້ວຍ​ເລືອດ​ຂອງ​ເຮົາ ເຊິ່ງ​ຖອກ​ອອກ​ມາ​ເພື່ອ​ພວກເຈົ້າ​ທັງຫລາຍ.

ພຣະເຢຊູເຈົ້າ​ທຸກໃຈ​ຫລາຍ, ພຣະອົງ​ຕັ້ງໃຈ​ອະທິຖານ​ຫລາຍ​ຂຶ້ນ ແລະ ເຫື່ອ​ຂອງ​ພຣະອົງ​ເປັນ​ຄື​ເລືອດ​ໄຫລ​ຢາດ​ລົງ​ທີ່​ພື້ນດິນ.

ແຕ່​ສຳລັບ​ພວກເຈົ້າ​ແລ້ວ​ບໍ່​ເປັນ​ດັ່ງນັ້ນ. ກົງກັນຂ້າມ​ຜູ້​ທີ່​ເປັນ​ໃຫຍ່​ທີ່ສຸດ​ໃນ​ທ່າມກາງ​ພວກເຈົ້າ ຕ້ອງ​ເປັນ​ເໝືອນດັ່ງ​ຜູ້​ນ້ອຍ​ທີ່ສຸດ ແລະ ຜູ້​ທີ່​ປົກຄອງ​ໃຫ້​ເປັນ​ເໝືອນດັ່ງ​ຜູ້​ທີ່​ຮັບໃຊ້.

ພຣະເຢຊູເຈົ້າ​ຕອບ​ວ່າ, “ເປໂຕ ເຮົາ​ບອກ​ເຈົ້າ​ວ່າ, ວັນ​ນີ້​ກ່ອນ​ໄກ່​ຂັນ ເຈົ້າ​ຈະ​ປະຕິເສດ​ວ່າ​ບໍ່​ຮູ້ຈັກ​ເຮົາ​ເຖິງ​ສາມ​ເທື່ອ”.