Popular Bible Verses from ລູກາ 15

Share

ດັ່ງນັ້ນ ລາວ​ຈຶ່ງ​ລຸກ​ຂຶ້ນ ແລະ ກັບ​ຄືນ​ໄປ​ຫາ​ພໍ່​ຂອງ​ລາວ. “ແຕ່​ໃນ​ຂະນະ​ທີ່​ລາວ​ຍັງ​ຢູ່​ແຕ່​ໄກ, ພໍ່​ຂອງ​ລາວ​ໄດ້​ເຫັນ​ລາວ ແລະ ເຕັມ​ໄປ​ດ້ວຍ​ຄວາມ​ສົງສານ​ລາວ, ພໍ່​ຈຶ່ງ​ແລ່ນ​ອອກ​ໄປ​ຫາ​ລູກຊາຍ ແລ້ວ​ໂອບກອດ ແລະ ຈູບ​ລາວ.

ເພາະ​ລູກຊາຍ​ຄົນ​ນີ້​ຂອງ​ເຮົາ​ໄດ້​ຕາຍ​ແລ້ວ ແລະ ໄດ້​ມີຊີວິດ​ອີກ, ລາວ​ເສຍ​ໄປ​ແລ້ວ ແລະ ໄດ້​ພົບ​ກັນ​ອີກ’. ດັ່ງນັ້ນ ພວກເຂົາ​ຈຶ່ງ​ເລີ່ມ​ພາກັນ​ສະຫລອງ.

ເຮົາ​ບອກ​ພວກເຈົ້າ​ວ່າ​ໃນ​ທຳນອງ​ດຽວ​ກັນ​ນີ້ ໃນ​ສະຫວັນ​ຈະ​ມີ​ຄວາມ​ຊື່ນຊົມຍິນດີ​ຫລາຍ​ທີ່​ຄົນບາບ​ຜູ້​ໜຶ່ງ​ຖິ້ມໃຈເກົ່າເອົາໃຈໃໝ່ ຫລາຍ​ກວ່າ​ໃນ​ຄົນ​ຊອບທຳ​ເກົ້າສິບເກົ້າ​ຄົນ​ທີ່​ບໍ່​ຢາກ​ຖິ້ມໃຈເກົ່າເອົາໃຈໃໝ່.

ເຮົາ​ຈະ​ລຸກ​ຂຶ້ນ ແລະ ກັບ​ໄປ​ຫາ​ພໍ່​ຂອງ​ເຮົາ ແລະ ເວົ້າ​ກັບ​ເພິ່ນ​ວ່າ: ພໍ່​ເອີຍ, ລູກ​ໄດ້​ເຮັດ​ບາບ​ຕໍ່​ສະຫວັນ ແລະ ຕໍ່​ພໍ່​ແລ້ວ.

“ລູກຊາຍ​ໄດ້​ເວົ້າ​ກັບ​ພໍ່​ວ່າ, ‘ພໍ່​ເອີຍ ລູກ​ໄດ້​ເຮັດ​ບາບ​ຕໍ່​ສະຫວັນ ແລະ ຕໍ່​ພໍ່​ແລ້ວ, ລູກ​ບໍ່​ສົມຄວນ​ຈະ​ໄດ້​ເອີ້ນ​ຊື່​ວ່າ​ເປັນ​ລູກ​ຂອງ​ພໍ່​ອີກ​ຕໍ່​ໄປ’.

“ສົມມຸດ​ວ່າ​ໃນ​ພວກເຈົ້າ​ມີ​ຄົນ​ໜຶ່ງ​ມີ​ແກະ​ຢູ່​ໜຶ່ງຮ້ອຍ​ໂຕ ແລະ ໜຶ່ງ​ໃນ​ຈຳນວນ​ນັ້ນ​ຫາຍ​ໄປ, ລາວ​ຈະ​ບໍ່​ປະ​ແກະ​ເກົ້າສິບເກົ້າ​ໂຕ​ໄວ້​ກາງ​ທົ່ງຫຍ້າ ແລ້ວ​ໄປ​ຊອກຫາ​ໂຕ​ທີ່​ຫາຍ​ໄປ​ນັ້ນ​ຈົນ​ກວ່າ​ລາວ​ຈະ​ພົບ​ບໍ?