Popular Bible Verses from Mak 6

Share

Nidib bɛdegʋ da bɛɛ ani, ka sieba kenna, ka sieba lɛbid. Dinzug ka Yesu nɛ o nya'andɔlib la pʋ nyɛ ya'a dii. Ka o yɛli ba ye, “Kɛlli ka ti yi paalʋ keŋ zin'ikanɛ ka nidib kae ka ya vʋ'ʋs bi'ela.”

Ka o yɛli ba ye, “Zin'ikanɛ wʋsa ka Wina'am nɔdi'es keŋ, ba na'asid o, amaa o mɛŋ teŋ dim nɛ o mɛŋ nidib pʋ na'asid o.”

Ka Yesu paae yi anrʋŋʋn la ka nyɛ nidib la zu'oe si'em la, ka nimbaanlig gban'e o, bɔzugɔ ba daa nwɛnɛ pɛbanɛ ka' pɛ'ɛkemma. Ka pa'ali ba si'elnam bɛdegʋ.

O da pʋ nyaŋi tʋm tʋʋmnyalima anina, ya'a ka ban'adnam bi'ela nwa' ka o da nɔk o nu'ugʋ pa'ali ba zut, ka ba nyɛ laafi. Ban da pʋ niŋ o yadda la zug, ka li lidig o hali. Ka Yesu keŋ teŋkpɛmis banɛ kpi'e anina pa'al nidib.

Ka Yesu nɔk bodobodo la nɛ zimi la gɔs arezana ni ka pʋ'ʋs Wina'am bareka, ka gbin'es bodobodo la tis o nya'andɔlib la ye ba tis nidib la, ka nɔk zimi ayi' la gbin'esi pʋdigi ba wʋsa. Ka ba wʋsa ɔnbi tig. Ka o nya'andɔlib la vaae bodobodo nɛ zimi linɛ kpɛlim la pɛ'ɛl pɛɛd pii nɛ ayi'.