Popular Bible Verses from Mak 2

Share

Yesu wʋmi li la, ka yɛli ba ye, “Banɛ mɔr laafi la pʋ bɔɔd ti'ebʋgɔ. Amaa banɛ bɛn'ɛd la bɔɔd ti'ebʋg. M pʋ kena ye m buol tʋʋm sʋma dima, amaa banɛ an tʋʋmbɛ'ɛd dim la.”

Ka Yesu nyɛ ban niŋ o yadda si'em la, ka yɛl ban'ad la ye, “M dapaala, m yisi fʋ tʋʋmbɛ'ɛd la bas.”

Ka Yesu yɛli ba ye, “Wina'am maal Vʋ'ʋsʋm Daar nɛ ninsaalib zug, ka ka' o maal ninsaalib nɛ Vʋ'ʋsʋm Daar zugɔ.

Ka nidib la la'asi zu'oe ka ba kʋ tun'e paae Yesu san'an na la zug, ka ba dʋ dɔkan ka Yesu bɛ la zugʋ maal vɔɔnr ka sigis ban'ad la digil o tuon. O daa dignɛ sɔŋ zug.

Ala ka ya na baŋ ye Ninsaal Biig mɔr paŋ dunia nwa' ni na kɛ tʋʋmbɛ'ɛd taali bas.” Ka o yɛl pɔn'ɔr la ye, “Duom zaŋi fʋ sɔŋ la kul.”

Bɔɔ an na'ana? Man na yɛl pɔn'ɔr la ye, ‘M kɛɛ fʋ tʋʋmbɛ'ɛd taali bas bɛɛ mam na yɛl ye duom ka zaŋi fʋ sɔŋʋ keŋɛ?’

Ka pɔn'ɔr la kpɛn duoe zaŋ o sɔŋʋ gaadi ba tuonnɛ yi. Ka nɛ' lidigi ba wʋsa, ka ba dʋ'ʋs Wina'am yʋ'ʋr sʋ'ʋŋa yɛt ye, “Ti nan zi' nyɛɛ nwa'.”