Popular Bible Verses from Mateo 5

Share

Bɛɛ nid kae na nyu'oe fitir, ka pibil nɛ pɛɛgɔ, amaa o na zuoli li si'el zugin, ka li nie nyain tis nimbanɛ wʋsa bɛ yin la. Dinzugɔ, kɛlli ka ya nɛɛsim nie nyain nidib tuon, ka ba nyɛɛ ya tʋʋm sʋma, ka pian' ya Ba' onɛ bɛ arezana ni la yʋ'ʋr.

“Ya anɛ dunia nwa' nɛɛsim, ka nwɛnɛ teŋ kanɛ ka ba mɛ' zuor zug, ka li kʋ tun'e su'a.

Wina'am albareka bɛ nɛ pʋpielim dim la, bɔzugɔ ba na ti nyɛ Wina'am.

Wina'am albareka bɛ nɛ banɛ ka Wina'am tʋʋm sʋma kɔ'ɔm nɛ ku'onuud mɔri ba la, bɔzugɔ ba na tig.

Amaa man yɛti ya nɛ ye, ya nɔŋimi ya bi'emnam, ka sɔs Wina'am tis banɛ namisidi ya.

Ka Yesu pa'an ye, “Wina'am albareka bɛ nɛ banɛ siedi ba mɛŋ la, bɔzugɔ Wina'am sʋ'ʋlim anɛ ba din.

Wina'am albareka bɛ nɛ zabpansidib la, bɔzugɔ Wina'am na buoli ba ye o biis.

Wina'am albareka bɛ nɛ banɛ mɔr sʋnsa'aŋ la, bɔzugɔ Wina'am na bɛlisi ba.

Wina'am albareka bɛ nɛ banɛ ka ba namisidi ba, ba pʋpielim tʋʋma zug la, bɔzugɔ Wina'am sʋ'ʋlim anɛ ba din.

Wina'am albareka bɛ nɛ banɛ zɔt taab nimbaanlig la, bɔzugɔ Wina'am na zɔɔ ba nimbaanlig.

“Wina'am Albareka bɛ nɛ yanam banɛ ka ba tʋ'ʋdi ya, ka namisidi ya, ka pian'ad ziri pian'abɛ'ɛdi ziinnɛ ya, yanamɛ dɔl man la zug. Kɛlli ka ya sʋnya malis, ka ya mɔr ti'ir, bɔzugɔ ya nyɔɔd anɛ bɛdegʋ arezana ni. Ala mɛn ka ba da namis Wina'am nɔdi'esidib banɛ dɛŋi ya tuon la.”

Wina'am albareka bɛ nɛ banɛ mɔr sumbʋgʋsʋm la, bɔzugɔ ba na sʋ'oe dunia.

Ka Yesu lɛn yɛl ye, “Ya anɛ yaarim dunia nwa' ni. Ka yaarim mimilim ya'a yi, li na lɛn nyɛ mimilim yaanɛ? Li tʋʋm lɛn kae gaad ban na lɔbi li bas ka nidib nɔɔd nɛ nɔba.

Dinzugɔ ya bɛɛi sʋ'ʋŋa nwɛnɛ ya Ba' onɛ bɛ arezana ni la an sʋ'ʋŋa si'em la.

Kɛl ka ya, ‘Ɛɛn an ɛɛn’ ka ya, ‘Ayei an ayei’, bɔzugɔ li ya'a gaad ala, li yinɛ tʋʋmbɛ'ɛd sɔb la ni na.

“Ya pʋn wʋm ka ba da yɛl ye, ‘Nif yɔɔd nif sam, ka nyin yɔɔd nyin sam.’ Amaa man yɛti ya nɛ ye, da yɔ tʋʋmbɛ'ɛd sammɛ. Amaa sɔ' ya'a nwɛ' fʋ datiuŋ yier, fʋn fɛndigimi fʋ dagɔbʋg yier la mɛ tis o.

Fʋ datiuŋ nif ya'a kɛ ka fʋ tʋm taal, fʋn kpidigimi lii lɔbi bas, bɔzugɔ fʋ nif yinne ya'a san'am li sɔn'oe ban na ti zaŋi fʋ niŋgbina wʋsa lɔbi bas bugum teŋ. Ka fʋ datiuŋ nu'ug ya'a kɛ ka fʋ tʋm taal, fʋn fi'igimi lii lɔbi bas, bɔzugɔ fʋ luaa yinne ya'a san'am, li sɔn'oe ban na ti zaŋi fʋ niŋgbina wʋsa lɔbi bas bugum teŋ.”