Popular Bible Verses from Mateo 28

Share

Dinzugɔ kemi nidib buudi wʋsa ni, ka kɛ ka ba liebi m nya'andɔlib. Sʋʋmini ba Wina'am ku'om nɛ Ba' la yʋ'ʋr zug nɛ Biig la yʋ'ʋr zug nɛ Siig Kasi la yʋ'ʋr zug. Ka pa'ali ba m nɔɔr kan wʋsa ka m tisi ya la, ye ba siaki li. Baŋimi ka m na bɛ nɛ ya saŋa wʋsaa ti paae dunia naar.”

Ka Yesu li'eli ba san'an ka yɛli ba ye, “M di'e paŋ kanɛ bɛ arezana nɛ dunia ni wʋsa.

Ka maliak yɛl pu'ab la ye, “Da zɔti dabiem, bɔzugɔ m mi' ye ya bɔɔdnɛ Yesu, on ka ba daa kʋ la. O ka' kpɛlaa. O vʋ'ʋgya nwɛnɛ on daa yɛl si'em la. Kemi na gɔs ban daa digil o zin'isi'a la.

Ka Yesu yɛli ba ye, “Da zɔti dabiem. Kem yɛli m ba'abiis la ye, ba kem Galile teŋin, ka ba na nyɛɛ ma anina.”

Ka ba la'as nɛ kpɛɛmnam sieba gban'e nɔɔr yinne ka tis soogianam la ligidi bɛdegʋ, ka yɛli ba ye, “Yɛlimi nidib la ye o nya'andɔlib la kenɛ yʋ'ʋŋ na ka ya gbisid ka ba zu niŋgbiŋ la. Ka gɔmena la ya'a wʋm nɛ'ɛŋa ti na maal suor ka ya yi yɛla ni.” Ka soogianam la di'e ligidi la ka tʋm wʋʋ ban yɛli ba si'em la. Ka labakaŋa yadigi gilig Jew dimin ti paae nannanna nwa'.