Popular Bible Verses from Mateo 16

Share

Ani ka Yesu yɛl o nya'andɔlib la ye, “Nid ya'a bɔɔd ye o dɔl man, asɛɛ ka o zan'as o mɛŋ bɔɔdim ka zaŋ o kum dapuudiri dɔl man.

M yɛtif ye, fʋ anɛ Pita. Ka tampiing kaŋa zug ka m na zi'eli m yadda dim la'asʋg. Ka kum kʋ mɔr paŋ nɛ baa.

M na tisif arezana sʋ'ʋlim saafibiis. Bʋn lin wʋsa ka fʋ na lɔ dunia nwa' zug la, li mɛ na lɔ arezana ni. Ka bʋn lin wʋsa ka fʋ na yidig dunia nwa' zug la, li mɛ na yidig arezana ni.”

On wʋsa bɔɔd ye o su'a o nyɔvʋr la, li na bɔdig, amaa on wʋsa bas o nyɔvʋr man zug, o na nyɛɛ o nyɔvʋr.

Nid ya'a nyɛ dunia nwa' la'ad wʋsa, ka o mɛŋ nyɔvʋr bɔdigɛ, o nyɔɔd an bɔ? Bɔzugɔ si'el kae dunia ni ka nid na zaŋi tiak o nyɔvʋrɛ.

Ka o lɛbisi bu'osi ba ye, “Ka yanam on yɛl ye man aan anɔ'ɔnɛ?” Ka Simon Pita lɛbisi yɛl o ye, “Fʋ anɛ Kristo, Wina'am onɛ vʋe la Biig.”

Ka Yesu lɛbisi yɛl o ye, “Simon, Jona biiga, albareka bɛɛ fʋ zug, bɔzugɔ li ka' ninsaali pa'alif nwa'a, amaa li anɛ m Ba' onɛ bɛ arezana ni la.