Popular Bible Verses from Luk 9

Share

Ka o yɛli ba wʋsa ye, “Sɔ' ya'a ye o dɔl man, asɛɛ o ki'is o mɛŋ ka zaŋ o kum dapuudir daar wʋsa dɔl mam.

Ninkanɛ wʋsa bɔɔd ye o gu' o nyɔvʋr on daana na kɔ'ɔŋi li, amaa ninkanɛ kɔ'ɔŋ o nyɔvʋr man zug o na gu' li.

Ka Yesu lɛbis o ye, “Onɛ wʋsa gban'e na'akuoda kʋʋnr ye o kua ka gɔsid nya'aŋ, o pʋ sʋ'ʋm ye o tʋm Wina'am sʋ'ʋlim tʋʋmaa.”

Ninsaal ya'a nyɛ dunia bʋna wʋsa ka kɔ'ɔŋ o nyɔvʋrɛ, li nyɔɔd an bɔ?

On mɛkama zɔ mam nɛ m pian'ad la nyan, Ninsaal Biig la mɛ na ti zɔɔ o nyan, o ya'a ti kena nɛ o girima nɛ o Ba' nɛ maliaksʋma girima la.

Ka Yesu lɛbis ye, “Teŋinbʋmis mɔri ba vɔnt, ka niimis mɔr tɛɛd, amaa Ninsaal Biig la pʋ mɔr zin'ikan ka o na diginɛ vʋ'ʋsɛ.”

ka ye, “Onɛ wʋsa di'e bikaŋa m yʋ'ʋr zug di'enɛ man, ka onɛ mɛ di'e man di'enɛ onɛ tʋm man la na, bɔzugɔ onɛ wʋsa an biigi ya san'an la aan ya kpɛɛm.”