Popular Bible Verses from Luk 22

Share

“M Ba'a, li ya'a anɛ fʋ bɔɔdim, nɔkim nwam kaŋa linɛ an namisʋg la m san'an sa. Amaa ka'anɛ ye m sʋnf bɔɔdim, amaa kɛl ka fʋ bɔɔdim maal.”

amaa m sɔs Wina'am tisif ye fʋ yadda niŋir da sie. Ka fʋ ya'a ti lɛn tiaki dɔllim, fʋn on kpɛmisi fʋ ba'abiis la.”

Ka o nɔk bodobodo, ka on tis Wina'am bareka pʋ'ʋsim naae la, ka gbin'esi li tisi ba yɛt ye, “Nɛ'ɛŋa aan m niŋgbiŋ linɛ ka m zaŋi tisi ya. Niŋimi nɛ'ɛŋa ka tɛnri m yɛla.”

Ka ala mɛn ban di diib la naae la, o zaŋ nwam la yɛl ye, “Nwam kaŋa nwa' anɛ m ziim linɛ kpa'ae maal nɔnapaali ya yɛla la.

Ka o bɛ anina namisid ka maligim sɔsid hali ka o ɔnsir yʋ'ʋn nwɛnɛ ziim tu'adi lut teŋ kɔra-kɔra.

Da kɛ ka li aan ala ya nii, amaa kɛlli ka ya kpi'euŋ dim lɛɛ lieb wʋʋ biig ka ya kpɛɛm lieb onɛ tʋmi tisidi ya.

Ka o yɛl ye, “Pita, m yɛtif nɛ ye, yʋ'ʋŋ kaŋa nwa', nɔraug kʋ kaasɛ ka fʋ na ki'is nɔɔra atan' ye fʋ zi' ma.”