Popular Bible Verses from Joon 17

Share

Kɛl ka yɛlsida la maali ba ka ba liebi fʋ mɛŋ nidibi an nyain, bɔzugɔ fʋ pian'ad la anɛ sida.

Ka nyɔvʋr linɛ ka' naar la anɛ ye ba baŋ fʋn onɛ sid an Wina'am yinne ma'aa la, nɛ man Yesu Kristo onɛ ka fʋ tʋm na la.

“Li ka'anɛ bama yɛla ma'aa ka m sɔsidi fɔ, amaa la'an nɛ banɛ na ti niŋ man yadda, ka li dɔlli ba labasʋŋ mɔɔlʋg zug la. M Ba' m sɔsidif ye ba wʋsa an yinne wʋʋ fʋn nɛ mam an yinne si'em la, ala mɛn ka ba mɛ an yinne nɛ ti. Ka dunia dim na siak ye fʋnɛ tʋmim na.

M pʋ sɔsidif ye fʋ yisi ba dunia nwa' nii, amaa m sɔsid ye fʋ da kɛ ka ba kpɛn' yɛlbɛ'ɛdi nɛ.

Ka zʋn'or kanɛ ka fʋ tisim la, m zaŋi lii tisi ba ye ba an yinne wʋʋ tinamɛ an yinne si'em la. M na bɛɛ ba sʋnya ni ka fʋ bɛɛ m ni, ye ba sid an yinne, ka dunia na baŋ ye fʋnɛ tʋm mam na ka nɔŋi ba wʋʋ fʋn nɔŋ man si'em la.