Popular Bible Verses from Matius 27

Share

Ae sin taogpa, Yesusti Yahudi nimiri yubuag yubu haum aro lelamogti, “Eli! Eli, lama sabakhtani?” seog. Seogne anena nuri yubuag, “Nani Allah! Nani Allah, sa'a sembe andi na laploamnelam?” aro lebog.

Eldi yame piog abeneko Allahri Mem Ae lom wilnirop ag siliplengeroba pukama aneko tai siba serero tau sip payangkaogti, phende taog. Mog so'o lologlamogpa, mog so'o yim kirik lekto palamog. Nimi teptoba siksiek kirik hogtoba ina siram kuptangto palamog. Allahri wepsirop nimi samenag tebaek nimi nong maikno taneko kamag taekti

Wene seekpa, Yesus yubu nubu uro haum seogti, abenekoa eldi yame sae libogpa piog.

Sin kalag siplopsiekag aneko yin salerop nang sikindoap, el umag yin salerop nang tanekoapti Yesus yae wamek. Wamekpa mog so'o lologlamogneap, ni uro yabiogneap ibekti, sin log maikno uahiogpa, yubu lelamekti, “El sik uro Allah Elme wamla,” alamek.

Yesus kalag sibekpa wamogpa, heng ik mol-mol seogti, siro turu alamog abeneko heng sanubom seogti, ae iniplobog. Ae iniplobogpa, wamek mog so'o eneko ni iniplobogha heng ko'o wilindi piog. Heng ko'o wilindi palamogha, kekman heng taolbaogti, ae sin taog.

Wene alamekpa Pilatusti, “Wene alamlom tanena, nari el Kristus aro engero yabalamlange pone Yesusag huanun?” seog. Wene seogpa, nimi ni tanekori yubu lelamekti, “Kalag sipto oplulam!” alamek. Wene alamekpa, Pilatusti hailamsiogti, “Wene alamlom aghana sa'a sembe? Malinge huropne uao?” aro haibahiog. Wene aro haibahiog aghana, sindi yubu nen nubu nenero haum aro lelamekti, “Kalag sipto oplulam!” seek.