Popular Bible Verses from متّی 2

Share

اَتے اُوں گھر اِچ ڳئے اَتے ٻال کُوں اُوندی ماء مریم نال ݙِٹھا وَل اُنہیں جُھک کرائیں ٻال کُوں سِجدہ کیتا اَتے خزانے آلے ݙَٻئیں اِچوں سونا، مُر اَتے لوبان دے تحفے کڈھیے اَتے اُونکُوں پیش کیتے۔

یِسُوع صوبہ یہُودیہ دی وستی بَیت‌لحم اِچ اُوں ویلے ڄایا جݙّاں ہیرودیس اُتھاں بادشاہ ہا اَتے کُجھ سیاݨے جیرھے سِتارئیں دا علم ڄاݨدے ہَن پُواَدھ اِچوں شہر یروشلم اِچ آئے اَتے اُنہیں پُچھیا، ”او ٻال کِتھاں ہے جیرھا بنی‌اِسرائیل دا بادشاہ بݨن کیتے ڄائے؟ کیوں جو اَساں پُواَدھ اِچ اُوندا تارا ݙِٹھے اَتے اُوندے اَڳوں جُھک کرائیں اُونکُوں سِجدہ کرَݨ آئے ہَیں۔“

تارے کُوں اُوں گھر اُتے رُکدا ݙیکھ کرائیں او ٻَہُوں خُش تھئے۔

اَتے خاب اِچ ہیرودیس دو وَل نہ وَنڄن دی ہدایت مِلݨ تے او ٻے رَستے کنُوں اپݨے مُلک دو لڳے ڳئے۔ سیاݨئیں دے وَنڄن دے بعد خُداوند دے فرِشتے یُوسف کُوں خاب اِچ ݙِکھالی ݙے کرائیں آکھیا، ”اُٹھی ٻال اَتے اُوندی ماء کُوں نال گھِن کرائیں مِصر دے مُلک دو لڳا وَنڄ اَتے جݙّاں تَئیِں مَیں نہ ݙساواں اُتھائیں رہ وَنڄائے کیوں جو ہیرودیس اِیں ٻال دی ڳول اِچ ہے جو اِینکُوں مار گھتے۔“