Popular Bible Verses from PHILIPI 1

Share

Housoeh las namoq mas hai gis dah muh kuot xi toh dyei soeu Mangso ka, Khristu Yesu dah buisnyeis lyis hauh muh lyis yoh dye shoq tsoq wons wuq loh das zis nghuot yvlyis ngos soh soh nghuot.

Hauh thoq lyis namoq gas gis yvlyis seq khyen yoeus, jyoeng dah seq cho yahge dyinghjet dah joeui yah dvgeh namoq dah jyetdap ehnyet mas zes kuhxing los bas jungh ngos shvmanh dung dyei. Hauh uhlyis namoq gas gis thank yvlyis seq khyen yoeus las Khristu doms jweh dah buisnyeis lyis ma lhoq ma shang vwot v-oeu cho dvnganh masyah luiq zis yah yobos ma bos bang bweh das.

Khasoeh ge lyis ngos kang dwis zis gas Khristu nyang nghuot, shei loh lyis eq vmyat nghuot.

Ngos namoq dah cho nghamh yoeuh soh khanghmuh ngah Mangso lhyi nhaiqshoqlang sang.

Gvshih namoq xiklyis yhaugyen thank zis gas, Khristu Yesu dah gausyis dang yah chank kuot nhang zis yah dvyhangteh kang dwis nyeis das cho nghuot. Housoeh lyis ngos namoq jyank mas jweh los laus eq, ma jweh laus eq, namoq gas Dyos dah nghamh toeuq cho dvkoeuq kyingh yah thoenk yap joq las, ehnyet o zis dvja kyingh yah gausyis loeus dah lomsjingh cho dah xiklyis dvgeh chomp zan nyeis yvlyis ngos xauhgyo.

Ngos gas khanhamp eq ngah yvwons lyis ma katkhyoq, shishenh khanghmuh mas laus eq, zes las gvshih laus eq lyes dah kank bos cho dyingh zis yah ngos shei lhyi yangh lyis ngah kang dwis cho gonh mas Khristu dah phunk bvng nhang das zis gas ngos nhaiqdoeus thank cho yahge nghamhloms cho nghuot.

Khasoeh ge lyis namoq gas Khristu lyis lomsjingh khyvlyis yah kyingh ma nghuot, nyah xiklyis shanghsenh kham khyvlyis eq Yhensain dah muh lyis wons wuq das toeuh jyehjuh xauh yoeus goeus.