Popular Bible Verses from LUKA 8

Share

Nghuot laus eq nyeisjvng gis yvmas gyoh zis gas, gis dah ehnyet yah dang lyis gyo yoeus lho lha wontang zwi zains toh las jhen zis yah vshih shih bang nghuot.

Zoeu gyomh mas gyoh zis gas, xauhgyo thang lhyi chiq cho, dis los cho yahge pyo cho yah huop las mos dah vshih ma shih bang nghuot.

Luk thoq mas gyoh zis gas, nyamoq hau dang xauhgyo lyis gausyis zis yah dang lyis lhom yoeus laus eq vnyet ma chent yvmvyah, dvyoq kyingh lomsjingh las shiwu zis xauh lyis nungsdoms loh bang nghuot.

Nyang nyamoq lyis taiq zis gas, Namoq dah lomsjingh zis gas khalhye gah, ge. Hauh uhlyis nyamoq gyuk mauh las, Haih soeu ka hank nghuot lah? Lyeis yahge jeisphauq lyis taiq kat lyis, nyah domsyos tsain gyo, ge nyang changh nyang tsain taiq goh.

Cho mha gyoh zis gas, hauh zis lyis xauhgyo lyis nyamoq lomsjingh las khyuot yoeus zis ma xauh das xiklyis, yius los las nyamoq nhaiqlom mas dah dang lyis yoeus tyamp zis xauh bang nghuot.

Khasoeh ge lyis, ma chixoeuq shoq gauh shung toh zis cha eq ma bos; ma seq ma nyvng shoq nghop toh zis cha eq ma bos.

Hauh vmesbih gas ma yoh zauh toh zis lyis seq goeus ya, tyik tyik nvn zis yah nyah xikkhonh mas gyuis gyoh las, nyang lyis chamus tanh zis yahge houjang nyang khasoeh gis los zis lyis taiq thuq. Yesu nyang lyis taiq zis gas, Lonyi eh, nhaiq dainh lo aq, nah lomsjingh zis gas nvng lyis gis los nhang goeus; nyenstap zis yah loh lo aq, ge.

Housoeh las nyamoq gas nyang lyis loh nhauh uhlyis yah taiq zis gas, Svra eh, svra eh, ngamoq shei bah ge loh nyeis, ge. Housoeh nyang toq las lyeis yahge jeisphauq lyis nyho lho lhyi, hauh zis gas tam loh las sam joq.