Popular Bible Verses from LUKA 3

Share

Dius jens dvnganh jeisnyhop dye kham thang lhyi Yesu eq jeisnyhop kham. Nyang shvmanh dung nyeis lyis maukhung phank los las, Gyingshang Dyos gas khotjyauh gungs teh zis nyah thoq mas gyoh lyih. Hauh uhlyis maukhung mhayah thwe dvkoeuq thuq los zis gas, Nvng gas ngos jyetdap dah ngah Lo nghuot, ngos nvng lyis nhaiqdoeus, ge.

Yohan nyamoq dvnganhmoq lyis phuk taiq zis gas, Ngos gas namoq lyis jeis mas jeisnyhop dyei: nghuot laus eq ngah thoq lyis yombos soeu dvyuk ngah thang mha los nyeis. Ngos gas nyah thyvkoq twih phui das zis yangh ma mon. Nyang gas namoq lyis Gyingshang Dyos yah eq, nyi yah eq jeisnyhop dyei das.

Housoeh yvmvyah nhaiqlom thaiq zis yah mon yih dah vshih shih geh. Namoq ehnyet mas Abraham gas namoq dah phauh thyeih nghuot, oen vtaiq zo goh; khasoeh ge lyis, ngos namoq lyis taiq bah, Mangso ka haih lukzains masyah Abraham xiklyis lo jens yoh thuq los nhang.

Gvshih yangh wuzung gas saiqzains khyei mha toh goeus. Housoeh yvmvyah gis dah vshih ma shih dah vzains khanghmuh lyis thoeuq las nyi mas kat das.

Lvpe Esaia dah maussauh mas lhaih toh vgus, mhanhdyvp mas dvyuk kaiq nyeis dah thwe ka, Yhensain dah cho lhyi tsain sont toh geh; Nyah chokhyoh lyis soq dan geh. Langhkhau khanghmuh yoh tyink das, Boms khanghmuh, jing khanghmuh lyis chink khyoq das; Cho yauhyot lyis yoh xiq das, Cho guih lyis yoh lhoq dan das. Cangsoeu dius dvnganh Mangso dah khyuot yoeus cho lhyi nyvng das, ge.