Popular Bible Verses from 1 HWANKTI 17

Share

Khasoeh ge lyis YHENSAIN, Israel Mangso heisoeh ge: YHENSAIN nyeisjvng mas mau wus nhang buisnyeis jweh shoq yam mas phih ma thank, thuk mas coeu eq ma kyuk loh das, ge.

Gilead mau, Tishbe dius Eliya Ahab lyis taiq zis gas, ngos phuqsoe dah kang dwis YHENSAIN, Israel Mangso dah nyings yoeus las ngos taiq zis gas, Ngos mau wus das oen ma taiq dvchank jweh los das shishenh lyis mau ma wus das, jyweh ma gyoh das, ge.

Eliya nyang lyis taiq zis gas, Vgyuk, nvng taiq vgus loh kuot aq, nghuot laus eq ngos lyis shih dvlhyoq loh kuot chi los dyei aq; hauh thang lhyi nvng yahge nah lo xiklyis kuot aq.

Vmesbih taiq zis gas, Ngos ohlhyoq ma yoh oen kang dwis YHENSAIN, nah Mangso nyings yoeus las maukhi, yam mas sunghso phih dvtsop, thuk mas coeu dvmhauh dvbos. Ngos gas hauh thang thank dah vngai ba das xiklyis thangh kyangh dvmhauh kui nyeis, hauh thang lhyi ka ngah lo eq ngos eq zo las shei das, ge.

Toq aq, Sidon mau, Zarephat wus mas loh nyeis aq. Houmha nvng lyis nyhoeu das xiklyis chauhmuh dvyuk lyis ngos taiq toh, ge.

Eliya lyis yah YHENSAIN taiq dah dang yah dvyhangteh, yam mas phih ma dye, thuk mas coeu eq ma kyuk loh.

Housoeh las Eliya dah dang yah dvyhangteh nyang loh kuot; housoeh nyang eq, lvpe eq, nyah yhenbang eq nyoshoq nyeih zo khoq.

Housoeh las nyang toq las Zarephat pheh loh. Nyang wus khomh mas jweh lyis, chauhmuh dvyuk thanghpop kui nyeis. Nyang lyis lui lholha taiq zis gas, Ngos lyis shuk jeis dvkom jenh chi los dyei aq, ge.

Nvng hauh jeislo lvng mas jeis shuk chah, houmha kvnhoq jens lyis nvng lyis tsoh das zis taiq toh, ge.

Nyang jeis yoeus das ge loh nyeis lyis Eliya gas nyang lyis doms lui las, Nah loq mas ohlhyoq eq dvkhyiq jenh chi los dyei aq, ge.

Kvnhoq jens gas nvp lyis ohlhyoq yahge shoh, nyenh lyis ohlhyoq yahge shoh chi los dyei. Nyang hau jeislo lvng mas dah jeis shuk.

Hauh mau mas mau ma wus yvmvyah jeislo lvng gas kanh loh.

Hauh vmesbih Eliya lyis taiq zis gas, Nvng gas Mangso dah dius nghuot las, nah nhuot mas dah YHENSAIN dang gas jyoeng yvlyis ngos seq, ge.

Housoeh YHENSAIN dah dang yah dvyhangteh nyang houmha loh las Yodan lvng mas yaus wvng dah Kherit lvng yvm mas nyeis.

Housoeh YHENSAIN ka Eliya dah thwe xauhgyo las, loshang dah dyos nyah jyank mas doms wvng las nyang doeng los.