Popular Bible Verses from Ruum 16

Share

Bang soko ono waalon muyu, tantu doogon nu Kinoringan Wowaidon nu Moinat. Kinoringan-o su impuunon nu kopusulutan. Muda-mudaan ong d'ado ya pupus ni Tuhan Yisus Kristus mongoborakat so kou.

Oo su kosusulodan ku, mindamo aku so kou nu ingati muyu yo. Adang kou yo maid-waid so moomontuduk owudut nu moingin poputotondiang so kou om mongoraag nu koimaidan muyu so Tuhan. Nosiro yo po dai mongowaid nu pontudukan obana, iri nituduk so kou ri.

Lobuw momaal soko ono, dai mongowaid nu ponuu'an ni Yisus Kristus, Tuhan toko, ala' nai' mongowaid nu koinginan nosiro. Ono yo koo'ilo nosiro potuturan om koowarong nu totongaran nosiro no su pongoburunsut nosiro nu lobuw dai oilo.

Royowo toko yo Kinoringan, so' Iyo yo popiot nu koimaidan muyu nu Abar Owarong suat so si Yisus Kristus nituturan ku ri. Om nituturan ku oono musuat nu onu yo po niintolang nu Kinoringan, ono yo padu-padu Niyo, iri dai po niintolang Niyo so lobuw nu gulu ri. Om iri yo po dai po niintolang nu gulu ri, nga niintolang-o sono sobana nu kosiono tu, iri sinurat nu ongo poo'abar. Om mongowaid nu ponuu'an nu Kinoringan, iri miau musingkolaid, abar oono nilombus potuturan so kiawi' bansa su' poimaid nosiro so Iyo om mongowaid nu tinongaran Niyo. Ido yo Kinoringan, om sobana ko oilo. Om pagka minonuu' Iyo so si Yisus Kristus monabang so toko, otoop ong royowon toko Iyo musingkolaid! Amin.