Popular Bible Verses from Pinongurugan 39

Share

Nga tinabang-a si Yusup nu TUHAN, om ourug onu yo po gogoma'on niyo. Molak-polak-a iyo so tuan niyo, lobuw Masir-i.

Kiawi' songapan ni Putipar niarap-o so si Yusup. Indadi d'ado yo sono ilo-ilo niyo suat so waloi, onu ko po suat so ingkookan niyo. Si Yusup-o po opapag om oparu'

Urugo yo sono niyo si Yusup nu wowaidon nu ongo lobuw nojiil-i, om iyo yo su mogkoilo nu onu yo po gogoma'on so jiil-i.

Suuo yo sono niyo paakom si Yusup om jiniil so iri poongojiilan nu lobuw kikosola'an so raja ri. Nga tinabang-a nu Kinoringan si Yusup, om owarong sono wowaidon nu moongipat nu jiil-i so iyo.

om dai olaid kiat nu iri, sumorong sono sawo ni Putipar so iyo, om ingoli yo iyo mokimuondot. Nga dai minoingin si Yusup om tongaro yo iyo nu, “Aku yo su pinongoorapan ni tuan Putipar nu kiawi' songapan niyo. Dai yo muru' iyo maagut momikir nu onu-onu so waloi tu. Kopogboya'an ku so waloi iitu muinong nu kopogboya'an niyo, ono yo ko' kiawi' gonggamon so waloi tu niarap niyo so aku, nga ikau po su dai niarap niyo. Dai su moingin momaal nu oraai oono so tiningkuangon nu Kinoringan,” koo.

Ido runat, minasuw si Yusup so waloi oono mugogoma'on, om sawo po ni Putipar su otoron. Dai noilaan, pudiko yo sono nu sawo ni Putipar sabung ni Yusup om mutongaro yo nu, “Kayo muondot kito,” koo, nga moginuodo yo si Yusup om nokowiliw-a iyo, om mundako yo lumabus, nga noogol-a sabung niyo ri so woinoi-i.