Popular Bible Verses from 1 Kurintus 15

Share

Oo su kosusulodan kosomodan ku, ono yo ko', pobosago om popioto yo koimaidan muyu. Pogkari'-kari' kou yo sumundur mugogoma'on suat so Tuhan, so' oilaan muyu ya nu kikosudaan gogoma'on muyu oono.

Nga mongunsopot toko so Kinoringan, iri minongodoog nu kiawi' alod-alod Niyo, nu iri gogoma'on ni Yisus Kristus Tuhan toko.

Nga adang-o ookalan kou nu lobuw mutangar soko ono, so' obana ya sinsiriban iitu nu, “Bang mokimuuna'-una' nu lobuw oraai, oowit-owit toko nosiro rumaai,” koo ri.

Nga pagka owarong sobana Kinoringan so aku, siniliw aku ya Niyo nu poimaid so Iyo om pinongoorapan Niyo. Om sobana ko kikoompusan koworongan Niyo oono. Tanda' nu ono, mogkari'-kari' aku po mugogoma'on ko' pinongoorapan wokon. Om ono yo po okon ko pinogkori'-kori'an ku, nga ponobangon nu Kinoringan, minonamod so aku ri.

Om koputangar toko sono nu, “D'ado yo sono kopotoyan so' nogonti'an-o nu kowiawan musingkolaid. D'ado yo sono koraayan kopongukuman so toko nu potoyon,” koo. Lumaa' toko nu kopotoyan so' oilaan toko nu kikoraayan toko. Om iri yo Ukum ni Musa su koilaan toko nu kikoraayan toko.

Rongowo muyu yo tongaron ku so kou tu, iri dai po niintolang so lobuw silaid, nu toko yo po iitu dai ya matoi kiawi' musingkologa' ni Kristus koimbagu, nga taakan toko nu koyuwan wagu musuat so surga. Osikap bana ono otuman nu dai oungkudapan. Iya popukaian pongoowi'an nu surumpit nu Kinoringan, kiawi' lobuw minatoi oluli'an maid nu koyuwan wagu musuat so surga om dai yo matoi nosiro koimbagu.

Kopotoyan so wonuo tu notimpuunan nu ido koyuwan, ono yo si Adam. Soko ono ya koluli'an notimpuunan nu ido koyuwan, ono yo si Kristus. Pagka minatoi-o si Adam, kiawi' lobuw nga soko minatoi-o. Om pagka noluli'an-o si Kristus, oluli'an-a kiawi' lobuw.

Koyuwan toko nu dai po matoi, gonti'an nu koyuwan wagu. Koyuwan nu suat so wonuo tu gonti'an nu koyuwan musuat so surga.

Subai si Kristus-o su mogkuasa musingkodoog nu Kinoringan nu kiawi' alod-alod Niyo. Kopotoyan-o su alod-alod toko pongoowi'an doogon.