Popular Bible Verses from 1 Kurintus 10

Share

Bang kinaman kou mokipopomaal nu oraai, ondomo muyu yo nu ono yo po noirosaan-a nu lobuw wokon nu gulu ri. Nga opongoorapan ong Kinoringan. Dai kou ya posimaidan Niyo kinaman nu dai ogoosan muyu. Nga iya nu kinaman kou, taakan kou ya nu kobosagan, su' dai kou kopomaal nu koraayan.

Indadi, itu yo su oogot ondomon muyu nu, onu-onu ya goma'on muyu, mongokan ka intawa monginum kou, gomaa muyu yo nu pongorumat nu Kinoringan.

Indadi, isai yo po monokod nu opiot koimaidan niyo, ingat-ingaton-o su' dai kopomaal nu koraayan.

Kuwai gaam mutangar nu, “Onu yo po kowasa toko ya waalon,” koo. Obana ya nai' ono! Nga okon ko kiawi' oono kikosudaan. Kowasa toko ya nai' momaal nu onu yo po koinginan toko, nga okon ko kiawi' nu ono koponabang nu puimpugan nu lobuw poimaid.

Dai musuat ong momikir toko nu onu ya owarong so toko, nga musuat ong momikir toko nu onu koo gama' monabang nu lobuw wokon.