Popular Bible Verses from Luka 3

Share

Ɓaa feɗsǝ tom baptisma ɓeta nsaad wa, Yeso kǝn a tom baptisma. Pa yǝn kǝnǝsǝ Kaa wa, liura a wili, pa Wis Kaa wa a ham a sani mbu ka ɓa nga tǝlko, pa kwarko a fiɗaa liura, yǝ nkee me, “Ngǝ auwane yaa nǝn yausǝsǝ ya, nǝn hur kuɗa ma sase dem.”

Pa Yohanna yǝ ɓǝ nkee nsaad ya nkee me, “Nase nǝn tomsǝ baptisma ma mbraa. Pa yaake kǝn u yǝ faɗ nǝsǝ kwangto ya kiyǝ wo, u hana kurti taa isa ya nǝ nkaa nǝ kee ra. Ən sase kǝyǝ sǝn tom baptisma ma Wis Kaa wa ma ara.

Sǝ tom tinima u kaa weɗa me sǝ kon nfaatan nwa. Ɗǝm sǝ nti sǝ nkee nkweerase me, ‘Ibrahim ndǝ Paate ra.’ Pa nǝn nkeesǝ me hana a dungate ya Kaa kiya nkaa yǝ hik emba Ibrahim.

Ɓaa wee ti kate wa a kunda ɓota ran, ɗǝm nsaad ɓot yǝ nsee emba yaɓ ra ɓa, ɓaa ka ɗǝǝ a putu a ti a ara.”

Nga ɓaa nyorsǝ a likarkar an nawanto Ishaya wa, me, “Kwaro yaa yarma a sanglo yǝn nkee me, ‘Sǝ sǝk ɗǝɗa meen Ankundi, Sǝ nǝɗkǝ ɗǝta kǝɗ meen sase.’ ” Sǝ kung serserta a ookǝ ɗungate, ma kola a werkǝ ɗǝɗa loosǝra, a werkǝ ɗǝɗa sem kwalari ra me yǝ tom kwalari. Nsaad ɓeta kǝɓǝ wǝr kon nkweera Kaa wa.”