Popular Bible Verses from MATEUS 24

Share

Uulunde otau ka lunda pombanda, nohole yoyendji otayi huhwa. Ihe ngoka ti idhidhimike sigo ehulilo, ota hupithwa.

Elaka ndika etoye lyOshilongo otali ka uvithilwa aantu ayehe, li ningile iigwana ayihe onzapo; notaku ya ihe ehulilo.”

Otamu ka uva omalugodhi noonkundana dhomalugodhi, ihe inamu tulwa uumbanda. Oshoka mbika oyi na okuningwa, ihe ehulilo inali thikana natango.

Iigwana otayi ka thikama okukondjithathana, iilongo otayi ka matukilathana. Otaku ke ya oondjala nomakakamo gevi okoombinga noombinga. Ayihe mbika otayi ningi ongetameko lyoshitheta, okanona ngele taka valwa.

Egulu nevi otali hulu po, ihe oohapu dhandje kadhi na mpoka tadhi hulu po.

Aantu oyendji otaa ke ya taa ti: ‘Ongame Mesias!’ notaa pukitha oyendji.

“Aantu otaye ke mu kwata notaye ke mu gandja, mu hepekwe, e taye mu dhipaga. One tamu ka tondwa kaantu ayehe omolwandje. Aantu oyendji otaa ka etha eitaalo, otaa ka gandjathana e taa tondathana. Otaku ka za aahunganeki aafundja oyendji e taa pukitha oyendji.

Jesus okwe ya yamukula a ti: “Kotokeni, mwaa pukithwe nando okulye.

Onkee ano nane wo kaleni mwi ilongekidha, oshoka Omuna gwOmuntu ote ke ya pethimbo tuu ndyoka inaamu mu tegelela.”

“Ano tonateni, oshoka inamu tseya, esiku olini Omuwa gweni te ya.

“Esiku notundi ndjoka kaku na ngoka e yi shi, nando aayengeli yomegulu nenge Omwana, Tate oye awike.

Oshoka otaku ka holoka ookristus naahunganeki aafundja notaa holola po omandhindhiliko omanene niikumithalonga, opo ya pukithe, ngele tashi vulika, naahogololwa yaKalunga wo.

Oshoka ngaashi sha li pethimbo lyaNoa, osho tuu taku ka kala, uuna Omuna gwOmuntu te ya. Ngaashi aantu ya li pethimbo ndiyaka lya tetekele eyelu, ya kala taa li notaa nu, taa hokana notaa hokanitha, sigo esiku ndyoka Noa a yi monguluwato, yo inaye shi tseya, sigo eyelu lye ya nolye ya hanagula po ayehe, osho tuu taku ka kala, uuna Omuna gwOmuntu te ya.