Popular Bible Verses from AAHEBELI 13

Share

Mokukala kweni inamu mangwa kohole yeliko, ihe kaleni mwa gwana naashoka mu na. Oshoka Kalunga okwa ti: “Itandi ku etha nando; itandi ku thigi po.”

Jesus Kristus iha lunduluka, oku li ngaashi a li ohela, nosho ta kala nena nosigo aluhe.

Onkee ano tu kaleni tu na omukumo, tse tu tye: “Omuwa oye omukwathi gwandje, itandi tila sha. Omuntu ota ningi ndje shike?”

Inamu dhimbwa okulonga uuwanawa nokukwathathana, oshoka omayambo ga tya ngeyi oga hokiwa kuKalunga.

Tu hambeleleni ano Kalunga aluhe, shi ninge eyambo lyetu molwaJesus nokutya, tu panduleni edhina lye noku mu imbila.

Oondjokana nadhi simanekwe kaantu ayehe, naanandjokana naa kale yi inekelathana. Kalunga ota ka pangula mboka ye hole oluhondelo nuuholume.

Inamu dhimbwa okutaamba aayenda momagumbo geni. Okwa li ku na mboka ye shi ningi e taa taamba aayengeli inaaye shi tseya.

Kalunga oye a yumudha Omuwa gwetu Jesus kuusi. Jesus, Omusita omukuluntu gwoonzi, okwa koleke neso lye ehangano lyaaluhe. Ihe Kalunga kombili ne mu pe ayihe mbyoka mwa pumbwa, opo mu vule okugwanitha ehalo lye. Kalunga na longe mutse shoka sho opalela ehalo lye omolwaJesus Kristus, ngoka e na okusimanekwa aluhe sigo aluhe. Amen.