Popular Bible Verses from Svun Marcos 12

Share

Itac'av ti Jesuse: ―Li mantal ti c'usi más tsots sc'oplale, ja' yech chal chac li'i: “A'yo ava'iic Israel: Ti Cajvaltic ti ja' Riox cu'untique, ja' no'ox Cajvaltic stuc. C'ano me ta sjunul avo'on la Vajvale ja' ti Rioxe, c'ano ta scotol acuxlejal, ta scotol ap'ijil xchi'u ta scotol avip.” Xi li mantale. Li xchibale xco'olaj xchi'uc li ta ba'yie: “C'ano me achi'iltac chac c'u cha'al ac'anoj aba atuque.” Xi. Ch'aval yan mantal ti más tsots sc'oplal chac c'u cha'al li'i —x'utat yu'un ti Jesuse.

Ti Jesuse istsob li yajchanc'optaque, ja' yech iyalbe chac li'i: ―Ta melel chacalbeic, ac'u mi me'on taj jmec li me'anal ants le'e, pero más ep iyac' chac c'u cha'al iyac' li yantique; yu'un naca xa sovra staq'uinic ti ta xaq'uique, yan li me'anal antse iyac' scotol ti c'u yepal oy yu'une ti ja' ox ta sman o ti c'usi chtun yu'une ―x'utatic yu'un ti Jesuse.

Ti Jesuse ichoti ta stuq'uil xcaxail limoxna, iyil ti c'u x'elan tstic' slimoxna li crixchanoetique. Ep jc'ulejetic istic' ep staq'uinic. Tey ic'ot jun me'anal ants, me'on tajmec, istic' cha'sep yunen taq'uin ti mu xa c'usi más xman oe.

Ti ta jc'antic ta sjunul co'ontic ti Rioxe, ti ta scotol jp'ijiltique, ti ta scotol quiptique xchi'uc ti ta jc'an li jchi'iltic chac c'u cha'al ta jc'anoj jba jtuctique, ja' más tsots sc'oplal chac c'u cha'al li matanaletique xchi'u ti c'usi chich' milel ti ta xich' chiq'uel ta sc'ajleb smoton Rioxe ―xi ti vinique.

Yech'o un ti Jesuse ja' yech iyal chac li'i: —Ac'beic César ti c'usi ja' yu'un Césare, ja' no'ox yech noxtoc ac'beic Riox ti c'usi ja' yu'un Rioxe —x'utatic. Ti c'alal iya'iic ti x'elan itac'av ti Jesuse, xch'ayet xa yo'onic.