Popular Bible Verses from Svun Mateo 23

Share

Ti much'u más ich'bil ta muc' ch-c'ote, ja' ti much'u sjunul yo'on ch-ch'un pasel ta mantal yu'un li yan xchi'iltaque.

Ti much'u tstoy sbae ch-aq'ue ta q'uexlal. Yan ti much'u biq'uit chac' sbae, ch-aq'ue ta ich'el ta muc'.

»¡Toj abol abaic vo'oxuc ti chachanubtasvanic ta smantaltac Rioxe, xchi'uc li vo'oxuc uque jfariseoetic, jlo'lovanejoxuc!, yu'un ja' no'ox más tsots sc'oplal chava'iic ti chavaq'uic li jujun ta lajuneb li alavenae, li anise, xchi'uc li cominoe. Pero ja' mu tsotsuc sc'oplal chava'iic li c'usitic tsotsic sc'oplal chal li mantaletique, ja' ti tsc'an chapasic li c'usitic leque, ti chac'uxubinvanique xchi'uc ti jun avo'onic ta stojol ti Rioxe. Scotol li'i ja' li c'usitic tsots sc'oplal tsc'an chapasique, pero ma'uc ti ja' xa chavicta o abaic ta spasel li yantique.

»¡Toj abol abaic ma'sat jfariseoetic, jlo'lovanejoxuc!, yu'un ja' no'ox lec chapocbeic ta spat li vasoe xchi'uc li platoe, pero li ta yute noj ta elec'al xchi'uc ta scotol li c'usitic chpich' avo'onique.

»¡Jerusalén, Jerusalén, vo'ot ti chamil li yaj'alc'optac Rioxe, xchi'uc ti chavac'beic ton ti much'utic lequic cha stacbeic tal ti Rioxe! ¡Ep ta velta ta jc'an ox ta jts'ob li avoltaque, chac c'ucha'al ta stsob yol ta yolon xic' li me'ch'eque, pero muc' xac'an tsobel!

Ja' yechoxuc li vo'oxuque, lec yilel atalelic, pero lavo'onique nojem ta lo'lovanej xchi'uc ta scotol c'usitic chopol.