Popular Bible Verses from Svun Juan 16

Share

Ti x'elan la calbeique ja' yo' spas o ta jun avo'onic ti jayvo' li' nap'aloxuc ta jtojole. Li' ta sba balamile ta to xa vil avocolic; pero mu me xa xi'ic: yu'un ijpas xa ta canal li c'usitic scuenta sba balamile ―x'utatic yu'un ti Jesuse.

Ti c'alal xtal ti Ch'ul Espíritu ti naca yech ti c'usitic chale, ja' cha syulesbe ta ajolic scotol ti c'usitic melele; yu'un muc' bu tsyules ta sjol stuc ti c'usitic chale, naca ja' chal ti c'usitic cha'ie, ja' chayac'be ana'ic scotol ti c'usitic ta to xc'ot ta pasele.

Lavie mu to c'usi ac'anojbeic ta jbi; c'anbeic, chayac'beic, yo' jun o avo'onique, yo' mu xa c'usi xal o avo'onique.

Ta melel chacalbeic: Ja' ta scuenta alequilalic ti chibate. Yu'un ti mi mu xibate mu xtal xchi'inoxuc li much'u chtal spas ta jun avo'onique; pero mi libate, vo'on chajtacbeic tal. Ti c'alal xtale, ja' chac'be sna' li crixchanoetic li' ta sba balamile, much'u ti oy smule, much'u ti ch'abal smule xchi'uc much'u ti chich' castico yu'un ti Rioxe.

Ja' no'ox yechoxuc uc, lavie ta to xavat avo'onic; pero li vo'one ta to xtal jq'ueloxuc, mu xa c'u yech o avo'onic ti c'alal xavilicone, mu xa much'u xu' cha spojbeic ti jun avo'onique. »Ti c'alal xc'ot sc'ac'alil chac taje, mu xa c'usi chajac'becon. Ta melel chacalbeic, ti Jtote chayac'beic scotol ti c'usi cha c'anique ti mi ta jbi chac'anbeique.

Ta melel chacalbeic, li vo'oxuque cha'oq'uic, chavat avo'onic ta jmec, yan li crixchanoetic li' ta sba balamile xmuyubajic xa ta jmec. Ac'u mi ta to xavat avo'onic ta jmec li vo'oxuque, pero ta ts'acal ta xjoyp'ij ta jun avo'onic.