Popular Bible Verses from रोमियो 3

Share

हरेक मानूस ना पाप करयो सेत। अना परमेस्वर कन लक दियो तेज बचाव लक लगत दुहूर सेत। पर परमेस्वर को किरपा लक फुकट मा दियो, भेट सबला पिरभू यीसु कन लक सूटकारा देयके सहीमा धरमी बनयो गयो सेत।

बिना भेद-भाव को परमेस्वर ना सबा बिस्वासी गिनको लाय, यीसु मसीह मा भरोसा ठेवनो लका परमेस्वर को न्यायीपन दरसायो गयो सेत।

परमेस्वर ना यीसु मसीह ला लोकहुन को लाय बली को रूपमा दे दियो। जोन लक वोको बोहायो गयो रकत लक वा साधन बन जाय। जेनको लक लोकहुन को पाप ला, वोको मा भरोसा राखन लका माफी कर दियो जाय। परमेस्वर आपरो न्यायीपन दिसावन लाय, जुनो बेरा मा धिरज धरयो। अना लोकगिन को पाप ला अनदेखयो कर देत होता। पर परमेस्वर अबा को बेरामा पाप ला अनदेखयो नही करतत। पर उ पाप ला हटाय के आपरो धरमी पन दिसावा सेत। अना यीसु मा बिस्वास करन वालो ला साजरो राखा सेत।

काहे का मोसे को नियम को लक कोनी भी मानूस तन परमेस्वर को पूढा धरमी ठहरायो नही जाहेती। मोसे को नियम केवल पाप को गियान करासेत।

जसो लिख्यो से कोनी भी असो नाहोति जोन न्यायी होय, कोनी अक्लवर नाहोति, जोन परमेस्वर को अराधना करतत। सबा परमेस्वर लक दूहुर भयो सेत। वय सबच वाईट सेत। कोनी असो काम करासेत नाही। जोन परमेस्वर को नजर मा सही सेत। एकच नाही।

काहे का आमी मान सेजन का मानूस मोसे को नियम को करमकांड लक अलग, भरोसा लक धरमी ठहरायो जावासेत।

पक्को नही! अदि हरेक मानूस खोटो सेत ता का भयव, परमेस्वर तो खरो से। जसो गीरंथ मा लिख्यो से, “जबा तू सांगेत, तबा तु सही मनो जाहेत, अना जबा तोरो फैसला होयेत, तोरो जीत होयेत।”