Popular Bible Verses from योहन 21

Share

जेवन करनो को मंघा यीसु समोन पतरस लक कहीस, की हे समौन, योहन को टूरा, का तु मोला माया राखसेस का? ओना कहीस, “हव, पिरभू, मि तोरो लक माया राखुसु तु तो जानसेस।” ओने ओला कहीस, “मोरो मेंढ़ा गीन ला चराव।” ओना मंग दुसरो गन ओला कहीस, हे समौन योहन को टूरा का तू मोरो लक माया करासेत, तबा समौन यीसु लक कहीस, हव पिरभू तु जानासेस की मि तोरो लक माया राखसू ओने मंग कहीस, मोरो मेढा ला चराव। ओने मंग तीसरो डाई ओला कहीस, हे समौन योहन को टूरा, का तु मोरो लक माया राखसेस। मंग पतरस उदास भय गयो की ओने तीसरो गन असो कह देइस। का तु मोला माया राखसेस? अना एतरो पर ओने कह देइस, का हे पिरभू तु तो सब काही जानासेस की मि तोरो लक माया राखसु का नही। यीसु ना मंग कहीस मोरी मेढा ला चराव।

मि तोरो लक खरो मा कव्हुसु की जबा तु जवान होतोस तो आपरो कमर बाँधके जिता चाहत होतो जात होतोस, पर जब तु सयानो होजोस तो आपरो हात पसार जोस, अना दुसरो तोरी कमर बाँधके जिता तु नही चाहवजोस उता तोला ले जाहेत।

ओना उन लक कहीस, नाव की उज्जो कना जाल डाकहो तबा तो तुम पाहो। एकोलाई: उनना जाल डाकिन, अना लगत सारी मसरी जेनला उनला झिकत नही बनयो।

समौन पतरस ना उनको लक कहीस, “मि मसरी पकड़न लाई जावासू।” वय ओला कहिन “हमि भी तोरो सँग चला सेजन।” वय चले गइन, नाव मा चघके मसरि पकड़न लगीन, पर उ रात उनला काही नही भेटियो।