Popular Bible Verses from ಲುಕ್ 23

Share

ತವಾ ಯೇಸು, “ಬಾ ದೇವಾ, ತ್ಯನಾ ಮಾಪ್ ಕರ್; ಆಪ್ನು ಕ್ಯಾ ಕರ್ತ್ಯಾತ ತ್ಯ ತ್ಯನಾ ಠಾವ ನಾಹಿ” ಮನ್ಲ. ನಂತರ್ ತ್ಯಚ಼ ಕಪ್ಡ ಚೀಟಿ ಗಾಲ್ಹುನ್ ವಾಟುನ್ ಗೆತ್ಲ

ತ್ಯಲಾ ಯೇಸುನಿ, “ತು ಆಜು಼ಸ್ ಮಾಜಿ಼ ಸಂಗ ಸ್ವರ್ಗಾತ್ ರಾಸಿಲ್ ಮನ್ಹುನ್ ತುಲಾ ಖರ‍್ಯಾನಿ ಸಾಂಗ್ತೊ” ಮನ್ಹುನ್ ಉತ್ತರ್ ದಿಲಾ.

ನಂತರ್ ತ್ಯೊ ಯೇಸುಲಾ, “ಯೇಸು ತು ತುಜ಼ ರಾಜೆ ಗಿಹುನ್ ಯತಾನಾ ಮಾಜಿ ಯಾದ್ ಕರ್” ಮನ್ಲಾ.

ಮಂಗ್ ಯೇಸು, “ಬಾ ದೇವಾ ಮಾಜ಼ ಆತ್ಮ ತುಜಾ ಹಾತಾತ್ ದೇತೊ” ಮನ್ಹುನ್ ಜೊ಼ರಾನಿ ವರಾಡ್ಲಾ ಹ್ಯ ಸಾಂಗ್‍ಲ್ಯಾ ನಂತರ್ ಪರಾನ್ ಶೊಡ್ಲಾ.

ತೇ ಕಫಾಲ್ ಮಂಥ್ಯಾಲ್ಯಾ ಠಿಕಾನ್ಯಾವ ಆಲ ತವಾ ತಿಥ ಯೇಸುಲಾ ಆನಿ ತ್ಯಾ ಅಪರಾಧಿನಾ ಶಿಲ್ಬೆವ ಗ್ಯಾತ್ಲ, ಯಕಾಲಾ ತ್ಯಚೆ ಉಜ಼ವ್ಯಾಂಗ್ನಿ ಆನಿ ಯಕಾಲಾ ತ್ಯಚೆ ಡಾವ್ಯಾಂಗ್ನಿ ಗ್ಯಾತ್ಲ.

ತಿತ್‍ಕ್ಯಾತ್ ದ್ಯೊಪ್ಯಾರ್ ಜಾ಼ಲ್ತಿ ಆನಿ ದಿಸಾವ ಆಂದಾರ್ ಯವುನ್ ತೀನ್ ಗಂಟ್ಯಾ ಪರ‍್ಯಾತ್ ಸಗ್ಳೆ ದುನೆಬ ಆಂದಾರ್ ಪಡ್ಲಾ. ಆನಿ ದೇವ್ಳಾತ್ಲಾ ಪಡ್ದಾ ಮದ್ದಿಸ್ ಫಾಟ್ಲಾ ಆನಿ ದೊನ್ ಭಾಗ್ ಜಾ಼ಲ.

ಹ್ಯ ಸಗ್ಳ ಜಾ಼ಲ್ಯಾಲ ಸೈನ್ಯಾಚಾ ಅಧಿಕಾರ‍್ಯಾನಿ ಬಗುನ್, “ಖರ‍್ಯಾನಿಸ್ ಹ್ಯೊಮಾನುಸ್ ನಿಯತಿಚಾ಼ ಮನ್ಹುನ್ ದೇವಾಲಾ ವವ್ಯಾಳಾ.