Popular Bible Verses from Luk 6

Share

Ga bigé kalang henga, Kumu da begeng henga bu’, ka gesegeng duro ’engo do gesé do ddari, ka gegedda, to da papsong jorgogeng. Kumu da gesu kalin doi a gusugeng main go keng ba gesang gusu kalang kain bu’.

Kema go ddari na, ddi durga henga ga ddari ga a duro ddaindi. Kema go isini kau ddi durga henga ga isini ga a duro ddaindi bu’. Cawa kema kebi ya kual go ba won wo duro ddaindi.

Na main kain ’eno, dda kederegeng ’ya kageng ga tebena, ga lagé ddarua, ga ubagé henga ama keng ’eremé ca jogé ’yogé dang ’eno, keng da wai boié go nain, keng da belé Kumu go dang go do wal karndi bu’, cawa ddi lo olum danga kalang ga basé lo désé, dang ga isindong bu’.

Ga lagé kalang olum main Baigeng ba lang olum kain.

Keng kaidé kual ca kalang ’eno, Kumu go kaidé kual caigeng ’eno bu’, ga sogeng kual ca kalang ’eno, Kumu go sogeng kual caigeng ’eno bu’, ga buraga kalang, Kumu da burogeng bu’.

Ama ’enung yegenga keng ga wa jo kual guang, dda kederegeng ’ya kageng ga tebena, ga jégenageng ké ga wa kainyegeng. Ga segeng busu ca ké ga wa bbesegeng, ga ulageng ca ké ga wa logeng nyagé.

Ji lang kalang main ji ba darang ca kandia lang nain kain rés bu’.

Kema nia sombu mongjein ga pena na, beli kané bu’. Kema nia boddu badigé gain ga gumu na, ddai ddi ’ya ga wusin bu’. Kema goni goni goa olin henga na, ji bi, kema nia ai henga gain na, ji ’yogé dang ’eno.

Sia go ddari na, go wo wo go isini ’eno, sia go isini kau go wo wo go ddari ’eno bu’.

Sia goni goni kau ké solia gusu wo goi. Ké ar tuagiyong wo gua a ca dasi ’eno. Ké ar sur wo gua a ca dalinkuin ’eno.