Popular Bible Verses from Marcos 10

Share

Siunie I'nio' Jlas ti 'nes, je na'am ka woyi jikawosa' napo i'nio', 'yina 'wenajliyi jla'am ti iniwojwa'n inkawoye, siu'neje ti inilayiti ti iniwe'n ape'e siojopa 'najlati iyo lapakawo ti iyo ka injwajiete'n napo i'nio' ti je pini'.

Jesús jitiej yikiajlayi, sekyi'i ti iyonayi 'ate: —'Yejne'n, siuti sa'am ti i'niots'e'm je kasts'ajane paka iyonaja naka, 'yina jlampet ti naka Sinia' lajk'ipa ka inayi'i pa ka je 'najane pa ka wone.

Sekyi'i Jesús iyone'ne 'ate: —'Esiji. Maj ka api. I'nes lapakawo ti atankiujnieye po' jiwekie'e. Ka kia'iwo ka paja'ni ape'e paka talok ti i'winaja'n, je iyo ka lek'i ja Jesús ti ijliasa'aja.

It'imina ti je 'esiji ka ilan wita'm ni i'nio' siunie Sinia' pajk'i ti 'yupijiet wita'm.

Jesús siupi jitiej iyone ti i'yejne'n, 'yakaja'a ti yimi'n pak i'nio', sekyi'i ti iyonayi 'ate: —Ijwienjliyi siunie jinia'yi. Maj, wen'ni wikie'eyi siuniwa yi'a akijmatis, sek jane'yi siojopa ja lajaye jawenajamna'a pet napo p'ijliusis. 'Yina je ijiat ka je ajwos pet niwa ja akijmatisa ts'iji poliyi. Sek jane'yi ka namana'a, ti ja najmin'ni ijyik'i pa jajiojwi.

Sekyi'i Jesús i'yasaja'n ti iyone 'ate: —¿Tek'iayi, pa k'iejlit'iyi pa jiwo ka iyo'na? Isiujlie ti iyo'ate: —'Ni Ika'niona, awotajank'iye pet ka 'wijne'n.

Siuti asa'am ja ke poyena'a paka kiak iniwone 'ate iyo ni iniwonisi. Siuti japoye ni i'nio' ti kiak janiwone ti jani'najnatk'i ape'e napo ijia, 'esiji kanwo ijia jikawoye.

Siu'nie jayoyi ijiatk'i, ti siunie i'nio' kiak ja ke iniwone 'ate iyo ni kia'le ti janki'm ilia'm ni jika anechijiayas ni Sinia', 'yina naka ja ke 'noyi.

'Yina awo'ate ti siu'nie jloma je pini' siunapo inian'ni, napok ja'wanjliyek'i'yi pet isia'am, 'yina jlampet siunapo 'wanjlik'i isia'm ti kia'iyo 'loj, napokaye'eje pet ti janan'ni.

'Yina jlampet ti 'nelanjie'e ti k'iejli poye niwa wask'i'nelaja, “Sinia' ilisane ni ayinie siu'neje jana asejnia, ti sa'm ti i'niots'e'm.'Yina nak jant'emina ti siunie i'nio' jantajla napo jiniewot ti jani'nopijieteje jana jik'iemjla, jak je iyoyiji 'yiniyijna'a ka injwanjli ni i'nio', napoka ti times.” Ijiatjliyi je pa timesie', 'yina ijwienjliye.