Popular Bible Verses from Hebreos 4

Share

Kajeyepa ti siuniwa Sinia' jlamtis ji'wasankiye po', jla'yi ti jijweye po', siu'neje ti ijiate ti 'yakajla'm ti 'yaka'm ape'e siunie sijnat jitiok ti tijwela ka inkajla'm siunie ti jikiwitawa times, 'yina je ijwietanitia'm ni i'nio' ni jlosik, ti yajma'm yame ni siunie jikiowe, 'yina itijwi'ni ti yikiajli'ni ni jitienkiujnieye, siu'neje ni iyo kawoyi ni jisiak'al ni i'nio'.

Naka'ne, siunie ti je 'esiji ka kaskip'e ni Sinia', 'yina ja ijioki siunie jikap'ijliuskiye 'wet, 'nakayi ti ja kasp'elisijne'n, siu'neje ti jasitiana kanoyits'e'm.

Jlajmiliet, siunie saka pa'yijis jika anechiyas wuj, je naka ni siunie ti je 'yijene paka iwone ka kasp'elisijne'n ni iyo siuniwa sijliak'ali. 'Yina siuniwa inkajejlasayejes yits'e kia'iyo niwak yiyi, ijwienjliyi jla'am siunie ti 'wena t'asap'e naka ti je iyoyi ni jike'.

Lajk'ipa ka ne'yi siuniwa jilisajna' jla'am pi Sinia' ka 'najane paka iwone ka injwe'el ka inijwekia'm ti jla'am pi Sinia'. 'Yina ja ke injla'an wikie'eyi niwa wask'i'nelaja ti jitiete i'wi'in, jla'am ti ja kas'ye'en siupi awoki, ka netiejenie'e siojona jloma ti yi' jlaja.

Jesús ti Sinia' jlas, nak saka pa'yijis jika anechiyas wuj, ti pajk'i ti i'yakajna'm ni poli. Tempi it'imina ti je 'es ka ilikiape ni siunie awonaja ni sitienkiujnieye ti 'es.

Jak je iyoyiji pet ti sa'am 'esiji ka ijialasaja janak ajnat, 'yina je 'esiji'ni pet ka poye pa ka inekk'i siunie ji'niayi iyot'iyipi papok i'niot'ipi ti 'yakakiuyis, it'imint'iyijpe ti jiwet'ia poyis.