Popular Bible Verses from Efesios 5

Share

Siuti asa'am ti jilists'ase'm pa Sinia' siu'neje ti jlemijna'ase'm, 'esiji ka niwonayi 'ate iyo ti jla'am. Woyeyi ni asemijnaye, 'wena ká aniwonayi iyot'iyipi pa Sijwajieti ti kia'iyo wuj ti 'nama, it'imina'ne ti iniwe'n sitipe'e. Ti iniwojwa'n Sinia' ji'wajieta', iyoye'ate ni k'iejlitieje ti tiliana ti tiwunitieta pi Sinia', sekyi'i siu'nie jini ti yame pi Sinia' ti 'yakanit'ni pet.

Jak je iyoyiji ti kiak awoyi, joskiyeyi. 'Yena siunie jiwoyeyi. Ká awoye 'ne'liasa, asosik tajanitie. Katatayi pet siu'nie jloma ti jiwoyeyi ni siu'nie 'es, 'yina 'yaka siuniwa jlomas ti awaki wuj ti je isis.

Ká anijnomitiejyi'n siuti ji'yayetaje ni siunie at'es, jlam'ne naka ti ikajyi'n napo i'nio'. Ja 'wenajliyi jla'am ti siojona Sinia' jikimet ti 'es jantejwijyi'n ni asosik. Siuti jikamtijnienayi napo as'lejwas, 'esiji ka niwakaye sálmojos ti ja ena akiwiti. Enayits'i siuniwa inka'laja ti isisk'iji'n, kelisiena, 'esiji ka ijiatayiji ka wunitie ni Sinia' ti Saka'niona. Ja k'iejliyeyi siupi jawoyeyi, ni'ne ti jane'yase, wikie'eyi niwaka 'esiji ka awoyeyi asnikanitieyeja' ti ja etijnajiape ni Saka'niona Jesús ti Sijwajieti.

Ká awoyeyi siunie ti laj lajaye, jalasa ka ijiatayi ka intant'iejayiji siunie Sinia' iyo ka woyi.

Jlampet ti asa'am ti kiak jiwoyeyi asjwa'yis po', 'esiji ka i'namaja jana ak'iemjla, iyoye pet 'ate pi Sijwajieti ti wuj ti 'namaja napo iyoyi ni inamtik, it'imina ti iniwe'n ape'e.

Ti pajk'i ajnatiok jlele'ase'm, 'nakayi ti jleyejiap ni Saka'niona, kates jla'al jlele'ase'm. It'imina ti kiak awo'nase, 'esiji ka anilesanayiji ti asam napoka ti kates jla'al jlele'ase'm; woyeyi siunie jikijmaye iyo pit napoka ti yiji jana kates jla'al.

Siuti asa'am ti jiwunitie pi Sijwajieti, 'esiji ka anitejwayi'i ti jawoyeyi siunie ti jak'iuyeyi napo as'lejwas, kajeyepa ti jleye pet kiajwe.

Asejnia siunapo asjwa'yis po', k'iuyeyi napo asjwa'yis, wonayi 'ate ti jik'iuyeyi ni Saka'niona.

'Yina ja inwikie'eyeyi 'esiji ka i'namajayi jana ask'iemjla, wonayi 'ate ti jininemina'. Kia'iyojliyi pit jana asejnia je 'esiji ka je awoye lajaye ni ask'iemjla.

Iyo niwa Sinia' jlamtis ti iyo'ate, “Jak je iyoyiji ni i'nio' ti jantajla napo jiniewot, ti janejiap siojopa jik'iemjla, ni nojwaja'm 'yiniye na ka injwanjli paka i'nioye.”

Ká ani'notieyi niwaka jikeyis jiniliaja napo i'nio', ti tajle ni ajnatiok, 'yina 'wenajliyi ti jakajanitie ape'e niwaka.