Popular Bible Verses from 1 Tesalonicenses 4

Share

Jlampet ti kas'wasajne'n, papok jawieki siupapo ja tikinieje'ni ti ja toki'niji pijia'm pa jani'wenaja'a jikiowe'e ni jloma pi Saka'niona. Jajiok'i'ni ti jawiekiap pa Saka'niona pi yi'i pi ji'wet.

Japoye siupa ja ina'lapa' ti ja tipe'yak ti ja jwesiejayijk'iji'ni. Japakaye pi injlojwajnas poli jlele jika anechiyas ti jantamti, siu'neje japa Sinia' ji'woso' ti wakiak'iu'. Sek jane'yi ka inamana'a ajnat'e pa Saka'niona ti jantal poliyi. 'Yina papoka siupapo pajt'ik'ipe ti 'yajle'n, ti je 'yakakiu pi Jesús, papok jana'an ti janok'i kisie'e.

Siunie Sinia' iyotajank'iye, naka ti iyotaja ka anilesanayiji, ka wujwa ka insisie. Je 'es ka poye paka iwoyi ni siunie ti wuj ti je 'es, naka ti 'yu'ni ni i'nio'. 'Yina jla'm ijiate ti 'esiji ka akajlajyi siu'nie, paj ka inojwayeta'a ka woyeyi. Siunie ti awo'ate, 'esiji ka anijnoskijietayi niwa asjwes siunie ijiateje ti je 'esk'i, ajwel napo asjwa'yisk'i wita'm. 'Esiji ka alesanayiji siunie jiniwonayi, woye lajaye naka.

Iyo'ate ti je akakiunieje pa Jesús ti ijiate ti 'ya'al jla'yi ti iniu kisie'e ti tajli pi a'no', Sinia' janeki napoka ti pajk'i ti 'yajle'n ti je 'yakakiu ni Jesús jla'yi ti janojwa'n kisie'e ni jantajli ni a'no'.

Katatayi ka awoyejyi'ni siunie ti ja atajlayiji ti ja akamaja. Kimayi siunie jiwo ka akimayi. 'Oye'yi siunie awotaja ka awoyeyi ti ajlo'wase'm

Kajeyepa ti Sinia' je naka ka intanets'e ni siunie je 'es. Tanets'e ka iyoki ni 'es, ka ijiatayiji ka inilesanaja.