Popular Bible Verses from Gimpuunan 50

Share

Ungud gid kamu naggayak daut sa kangku, dapat gayak yi Diyus tunda bumurak kaayadan imaw ti nagribri taynguna sa mayamu tawu sa taglun-us.

Dapat sinmagut si Husi sa kanda, “Danga kamu magkadala. Balaw aku Diyus.

Nakan danga kamu magkadala. Aku ti bahala sa kanyu hanggan sa kanyu manga anak.” Tinaratuhan ni Husi sida ag may kahusayan yi kanda nalub-anan.

kuntay sabiha sa kanmu patawada nimu kami sa daut pag binwat nimi sa kanmu. Nakan taynguna, mana patawadun nimu kami pag manga suruguun diman Diyus nita ama.” Pagka nakaras-ug ti pabilin nida sa kan Husi, nanlumi siya.

Taynguna, magkun si Husi sa kay manga patar-ari, “Arani yi aku mamatay, dapat balaw kamu pabay-anan Diyus. Bul-un niya kamu sitay ginan pag rugar ag darahun sa rugar itinaratu niya sa kan Abraham, sa kan Isaak ag sa kan Hakub.”

Bag-u pinasumpa ni Husi ti manga Israilita. Magkun siya, “Itaratu niyu nu paighitun yi kamu Diyus sitay ginan, daraha di niyu kang manga but-ul sa pagginan niyu sa inda pag daga.”

Namatay si Husi ati sa Ihiptu sa idad 110 ka timpu. Binalsamu siya ag ipinauli sa kabaung ati sa Ihiptu.