Popular Bible Verses from Gimpuunan 35

Share

Magkun waya gid ti Diyus sa kanya, “Aku ti Makamaskihan pag Diyus. Magkaimaw kawu mayamu pag anak. Bumaliw kawu ama nasyun Israil hanggan iba waya pag nasyun, ag bumaliw hari ti iba sa kanmu manga linahi. Ti inayaw niku pag daga sa kan Abraham hanggan sa kan Isaak kang diman ipakaun sa kanmu ag sa kanmu manga linahi.”

Atabug kita sa Bitil, ag bumuwat aku ati harandugan para sa Diyus imaw ti nag-awat sa kangku katpung sa udas niku kakurian, ag siya diman kang kaibahan una naan tabug aku.”

Magkun ti Diyus sa kanya, “Hakub kanmu ngaran, dapat kainda ginan balaw yi kawu ingarnan Hakub nu unman Israil yi.” Nakan Israil yi kay ngaran ni Hakub.

Nakan magkun si Hakub sa kay magtal-anakan hanggan sa tanan kaibahan niya, “Yamtan yi niyu kanyu manga diyus-diyusan. Lumpiyuha kanyu sadili ag ilisi kanyu manga rutay bilang tanda bag-u ag malumpiyu pag buhi.

Magkun ti Diyus sa kan Hakub, “Pag-alistu kawu, pag-ati kawu sa Bitil ag ati pag pangulian. Pagbuwat kawu ati harandugan para sa kangku, ti Diyus imaw ti nagpakakit sa kanmu katpung nalagiw kawu sa kanmu patar-ari sa kan Isaw.”

Ainanak ti lapsag dapat hirimatyanun yi si Rakil. Bag-u siya naugtasan arup, iningarnan niya Bin Uni ti lapsag. Dapat iningarnan ni Hakub ti lapsag Binhamin.