Popular Bible Verses from Gimpuunan 32

Share

Magkun ti tawu, “Kainda ginan balaw yi Hakub kanmu ngaran nu unman Israil yi dahil nandumug kawu sa Diyus hanggan sa manga tawu, ag kawu nanalu.”

Magkun ti tawu, “Bul-iwi yi nimu aku dahil magkasurip yi.” Dapat sinmagut si Hakub, “Balaw niku kawu bul-iwan tugka sa unman nimu aku pagpapaladan.”

Igu usa-usa wadi siya, may rinmas-ug usa ka lalaki ag nandumug sa kanya. Nandurumugan sida sadsad gid surip.

Iningarnan ni Hakub tunda pag rugar Pinwil, dahil magkun siya, “Nakitan niku ti uyahun Diyus dapat buhi di aku.”

Pagka magkapansin niya balaw magkatalu si Hakub, pinildis niya kay baliw-ang ni Hakub ag naliw-as ti magkatupad pag but-ul.

Nagpaingana ti tawu sa kanya, “Hintay kanmu ngaran?” Sinmagut siya, “Hakub duy.”

Nagpaingana diman si Hakub sa kanya, “Sabihan diman nimu sa kangku kanmu ngaran.” Dapat sinmagut ti tawu, “Danga yi pag paingan-a kang ngaran.” Bag-u kay pinapaladan ati si Hakub.

Balaw duy aku karapat-dapat mantanggap tanan kaayadan ag katapatan kanmu ipinakakit sa kangku, sa kanmu manugsirbi. Dahil katpung nandipay aku sa Hurdan, unman duy aku may iba dara nu unman sugkud lang, dapat taynguna may duwa ka gurupu yi duy aku ka kaibahan.

Inda kay dahilan nu hayga tugka taynguna ti manga Israilita unman magkaun kusug sa magkatupad pag but-ul sa baliw-ang hayup. Dahil siyun katpung pag pinildis Diyus si Hakub.

Nandarangin si Hakub, “Diyus niku laki ni Abraham ag Diyus niku ama ni Isaak, kawu duy ti PANGINUUN ti magkumun sa kangku pagbalik aku sa kang manga katawuhan, ati sa daga nu naan aku pag iinanak, ag papaladan nimu aku.

Paghagadun niku sa kanmu ribrihan nimu aku sa kang patar-ari, sa kan Isaw. Magkadala duy aku barang umataytag siya ag matyun kami hanggan yi kang magtal-anakan.