Popular Bible Verses from Pag-ighit 2

Share

Nadnugan Diyus kanda magdangup, ag naala-ala niya kay kasunduan sa kanda ni Abraham, ni Isaak, ag ni Hakub. Nakitan Diyus kanda kahamtangan ag naawa gid siya sa kanda.

Pagkalawuy mayamu timpu, namatay ti hari Ihiptu. Dapat imaw diman pag kakurian ti pag-agwantahun manga Israilita sa kanda pagkapanawuhun. Nakan naghagad sida awat ag aput sa Diyus kanda magdangup.

Pagka udyi magsusu ti anak, dinara siya niya ina sa anak babayi hari Ihiptu, ag inaku anak babayi hari Ihiptu ti anak ga kay sadili anak. Nakan pinaingarnan anak babayi hari Ihiptu ti anak Muysis, dahil magkun siya, “Bin-ul niku siya ginan sa danum.”

Magkun ti anak babayi hari Ihiptu tabug sa babayi, “Daran-a nimu inda pag lapsag, pasusuhan nimu siya ag alagai para sa kangku, bag-u bayadan niku kawu.” Nakan bin-ul niya ti lapsag ag inalagaan.

Tunda katpung ti anak babayi hari Ihiptu nag-ati sa Sapa Nilu hampay marigus. Habang magparigus siya, kay manga suruguun babayi waydi maglakaw-lakaw sa saruy. Taynguna nakitan niya ti duyan-duyan sa karaw-an maaynu, nakan ipinab-ul niya inda sa kay usa ka suruguun.

Usa ka sirang, pagka daka yi si Muysis, nag-atag siya sa kay manga kadugu ag nakitan niya pagpakurianan sida hanggan pagpatarabahuun mabuyat. Nakitan waya niya ti usa ka Ihipsiyu magbakul sa usa ka Hibriyu kadugu niya. Namarantayun si Muysis sa kay palibut nu may maghiling. Pagka unman siya may nakitan, minatay niya ti Ihipsiyu ag ilinbung sa baras kay bangkay.