Popular Bible Verses from Марк 13

Share

Монь лементь кисэ весеменень ультядо а вечкевиксэкс, кие жо весе тень цидярдсы педе пес, се ванстови-идеви.

Ванодо, уледе анокт ды ознодо: а содатадо, зярдо сы те шкась.

Зярдо тынк макстадызь прявтнэнь кедьс, илядо мелявто икелев ды илядо арсе, мезть тенк кортамс. Ёвтынк сеть валтнэнь, конат тенк те шкастонть максовить. Эдь кортыцякс ули Пазонь Оймеялтось, аволь тынь.

Менелесь ды масторось ёмить, ансяк Монь валон а ёмить».

«Се чиденть эли частонть кияк а соды: менелень ангелтнэяк, Цёраськак, ансяк Тетясь.

Зярдо марятадо маласо войнань гайть ды васоло войнадо кулят, илядо тандале, – тенень эряви улемс, ансяк те зярс аволь песь.

Секскак ванодо, уледе анокт, эдь а содатадо, зярдо сы кудазорось: чокшне ланга, эли пелеве шкане, эли атякш морамо шкане, эли валске ланга. Апак учо самсто сон илядызь стардо тынк удомсто. Мезть ней тыненк кортан – тень весенень кортан: илядо удо, уледе анокт».

Раське кепедеви раськень каршо, мастор – масторонь каршо. Таркань-таркань улить модань сорномат, сыть вачо иеть ды шалномат-талномат. Неть майсематне ансяк теке чачтомань пиштематнень ушодксост.

Ансяк васня эряви ёвтнемс весе раськетнень ланга Кенярксов кулянть.

Ламот сыть кекшезь Монь лементь ало ды кармить пряст ёвтамо: “Те Мон”. Сынь ламонь ильведстьсызь-манясызь.

Тынь ванодо эсь мельганк, – тынк ветятадызь судс, синагогатнесэ кармить чавомонк. Монь кисэ тыненк сави стямс прявтнэнь ды инязортнэнь икелев ды ёвтнемс сыненст Мондень.

Се шкастонть кармить само кенгели христост ды кенгели пазмарицят, конат теить покш дивань тешкст ды тамашат. Сынь снартыть натой Пазонь кочкавтнэньгак ильведстемс-манямс, бути те тееви тенст.

Сеть читнестэ, те пиштемадонть мейле, чись чополгады, ковоськак а карми максомо валдо, тештетнеяк прыть менельстэ, менелень вийтнеяк теить сорк.