Popular Bible Verses from Иоанн 16

Share

Тень Мон ёвтыя тыненк сень кисэ: улезэ тенк Монь эйсэ седейоймамо. Масторлангсонть карматадо кирдеме пиштемат, ансяк уледе кеметь-виевть! Мон изния масторлангонть».

Кода сы видечинь Оймеялтось, сестэ Сон тонавттадызь весе видечинтень: эдь аволь Эсь пельдензэ карми кортамо, Сон карми кортамо, мезе мари, ды ёвтасы тенк сеньгак, мезе карми улеме.

Течис тынь мезеяк эзиде веше Монь лемсэ. Вешеде ды Тетям максы тенк, ды тынь пештевтядо пряс кеняркссо».

Ансяк Мон кортан тенк видечи: Монь туемась ули тыненк седе паро. А туиндерян Мон, сестэ Лездыцясь а сы тенк; бути туян, кучса Сонзэ тенк. Зярдо жо Сон сы, сестэ невтьсынзе масторлангонь ломантненень, кода авидестэ сынь арсить пежетенть эйстэ, видечинть ды судонь тееманть эйстэ.

Истя тыньгак ней ризнэтядо. Ялатеке Мон тынк нетядызь таго, ды кенярдозеви седеенк, ды кенярдоманк киненьгак а нельгеви тынк кедьстэ. Се чистэнть тынь а кевкстьсамизь Монь мездеяк. Алкукс, алкукс кортан тенк: мезе вештядо Тетянь пельде Монь лемсэ, максы тенк.

Алкукс, алкукс кортан тенк: тынь карматадо авардеме ды лайшеме, масторлангонь ломантне жо кенярдозевить. Тынь карматадо ризнэме, ансяк тынк ризксэнк велявты кенярдомакс.