Popular Bible Verses from Мф 3

Share

Языкым касарыктен, Юмо деке савырнымыланда келшен толшо саскам шочыктыза.

Пылпомыш гыч йӱк шоктен: «Тиде Мыйын йӧратыме Эргым, Мыйын поро кумылем Тудын дене».

Тынеш пуртымо деч вара Иисус тунамак вӱд гыч лектын. Тудлан пылпомыш почылтын, да Тудо Юмын Шӱлышым ужын. Шӱлыш кӧгӧрчен семын волен да ӱмбакыже толын.

Языкдам касарыктен, Юмо деке савырныза манын, мый тендам вӱд дене тынеш пуртем, но почешем Толшо мый дечем виянрак, мый Тудын йолчиемжым нумалашат ом йӧрӧ. Тудо тендам Святой Шӱлыш да тул дене тынеш пурта.

Ынде пушеҥге вож воктене товар ямде кия: сай саскам пуыдымо чыла пушеҥгым руат да тулыш шуат.

Исаия пророк тудын нергенак тыге каласен: «Ир мландыште кычкырышын йӱкшӧ шокта: Господьлан корным ямдылыза, Тудын йолгорныжым вияшым ыштыза!»