Popular Bible Verses from Luka 12

Share

Gurupa mandanare Alina Si Nakiri nimi kone maraoma pa alepae loma aliminya epeleale nimimi pange lee opoma leeme leeme puma waru andere-alepape, lisaya.

Go au na-piri nipuna Ki Rambuao-aya Ei komea kone sualepape. Gupuma nipumi go alenu pa gualia, lisaya.

Nipumi nimu para angele menda lalore, Nimimi olemole raayona wee pambada einu para waru andere-alepape, lisaya. Akepeandare ali menda nipu ora amo ali waru alapeyapare golere nipuna ora endo-aya eiri nipuna wilia lenumi ana na-ma-palia, lisaya.

Akepeare nena pu romba raayo mo nena amo alenu wia para kone pualia, lisaya.

Nimimi go alenu repara kone wilimi eimi nimina go suna andoma aeme ei na-ma-andalu palimi, lisaya.

Gupuma Yesu nipumi go kou nane raluaisimiya alinu para la alalore gupi lisaya. Go einare neme nimi para lalo nimimi nimi komapeya nola peme enda o nimina yamola peme akanu repara kone konenu na-sialepape, lisaya.

Gupuma Gode nipumi nimina kaluna aya irisinu raayosi ambala yarepema kone wia, lisaya. Go einare paalame na-komalepape, lisaya. Akepeandare go yaasinu repara pange kone wiapare nimi reparare ora andapupe kone waru suaya, lisaya. Gupuma nimimi go yaasinu lu angulaeme, lisaya.

Gupuma Yesumi lala ara lalore, Na repaasio, nimimi paalame na-komalepape, lisaya. Akepeare nimina Apamere nipuna kone siala arare nipuna Ki Rambuao-aya Lena ara nipu rapu piri menda andere-aliminya kone wia, lisaya.

Yaanu kone sialepape, lisaya. Nimumi wai alenu menda na-poaeme pange e mapunu puma endanu na-manduaeme pange enda suaeme andanu pange menda na-eleme, lisaya. Go peapare Godeme nimu enda aloaya, lisaya. Go einare Godeme kone sialore, Yaanuri ora epeleapare wenaali raayore pumi ora waru komoma amo ale mandana aeme, kone suayo, lisaya.

Go eina koae kone siala ara naare raayosi nimina nola pele enda pange nola pele ipa laapo repara kone konenu na-sualepape, lisaya.

Mo rilipunuri pa riambo komea ao-aeme. Ambia aomare ruliri mo kiruaeme. Go pape rilipunuyapare Godena epe aulao-aya. Godeme go rilipunu go au piliandare nimiri manda epe rupa na-andere-alia kone widamepae. Nimina kone rulaeme eiri ongeisiyana-ae, lisaya.

Mendame kundiri pilimi alenu pange kundiripu peme alenu raayore werepe nanere Godeme ora penameyo wadea, lisaya.