Popular Bible Verses from Dioni 4

Share

Godere endoaya eina ree. Epe Sipiridimiri wenaalinu ma-endaoma nimu para Gode pange nipuna ao-paluaya ei pange penameyaoma gonde wenaalinumi Godena bi ma-minyasiainyayanda puri ma-palao-aya, lisaya.

Werepe ande epola pea naarere go naarere ambia ambala epea eina ande Epe Sipiridimiri wenaalinu para Gode penameyaoma wenaalinumi gonde Apana bi ma-minyasiainyayanda puri ma-palao-aya, lisaya. Go rupa nipu para nipuna bi ma-minyasiao-aeme wenaaliri, Apame kone wia, lisaya.

Gupiliapare ali apimi neme alalo ipa noma aliandare go aliri ipa nala wala na-pilia. Neme go lalo eiri go einaya lawa. Neme alalo ipare mo ali rupara piri yokala pia ipa rupa pidia. Gupuma ande ipamere ipula ipula ara mo aliri endoma ainya dea, lisaya.

Yesumi nipuna angele yango liada ara lalore, Neemere Godeme gialale pange nee para ipa menda nano gi loma konge da alina bi pange kone sula paeyalore gore nena kongeyale ei nipumi pangoma endoaya ipa gula pa, lisaya.

Yesumi nimu para lalore, Na endare gurupa loma lalore, Ni rapaya Godeme kone pea ei pulame pange nipumi ni para walea pupudengi pange nao pereyaluame lawa, lisaya.

Mo wename Yesu para lalore, Realio, go pasare ora no para le awe ei, go pe eina neere ipape na-sialepare endoaya ipare akipuma noma gulame lalepae, lisaya.

Mo wename Yesu para lalore, Monde Mesayana bi mendare Kerisore epola pea eiri kone sialoae, lisaya. Nipu ipumare au raayo pea eiri la gilia, lisaya. Yesumi nipu para lalore, Neeme go lale aliri niae, lisaya. Nee lapo go angele dapa aliae, lisaya.

Gupuma mo wename nipuna ipape minyapaoma mo ree anda nane pumare go para aisimiya wenaali para lalore, Ali menda andaliminya ipulupa loma pua lalore, Neme ambalande ara pawa einu raayore nipumi la gianda laloae. Nipuri ande Kerisopae, lisaya.