Popular Bible Verses from Mark 12

Share

Yesu n'aano: —Yeehaŋe i fe yeemo fu yende yeeene i: «Arijamatan, aruun bakate ku *Israyel! Atemit aamo fu Atambatun ite úne, akina aamo fu Atambatun unoono. A̱warawar kámaŋi Atemit Atambatun úuwe á̱habanein: t'eholi, ti yaan yúuwe, ti kaayinoor kúuwe, ni ti sembe súuwe fe.» Ésooboriyan i eemo fu yende: «A̱warawar kámaŋi áwiyi húŋgowulan naane á̱maŋie i hikawi.» Abajut eke eluwa yeehaŋe sondu.

Yesu n'áruwin eriboora yeene abe n'aaniin: —Iisokuun bifeeneŋ bu: anaare ondu eebajut ii, abe yooŋ áyino aketaket, doon d'ajoloŋane du diyu dihaŋahaŋ dite du bakaaku fe. Ábuki doon di kajoloŋane du, tu boko dóoniit. Bare akina, ni kabajaate koone, asaanasaan doon d'áyekie du fe, d'abaje du yéeni dite búkuumanooro.

Yesu n'ariiko ajoŋoor ni tindi kajoloŋan sírirem su, toko *t'Enuuf ite Atambatun, eejondoman naane hahooja hu uu hujoloŋan toko sírirem su. Kusaanum keehooje ni kajoloŋan toko seefame-fam. Ake anaare n'áreeŋin. Abajut doon fe, áyino yooŋ aketaket. N'ajoloŋan toko mírirem músuba meejarut doon dómbokun.

Húŋgowulan awarawar kámaŋi Atambatun t'eholo, ti yaan yeene, ti kaayinoor koone, ni ti sembe soone fe. Awarawar yooŋ kámaŋi áwiyo húŋgowulan naane ámaŋie i hikawo. Bondu bihaŋe fu ti kásufu kite sunuk su bija t'Atambatun, nu *wusarah wu fe.

Náami Yesu eeeniin: —Yooh! Kame arijaam áyi ómbokun eeemo u Rom buroon b'akino bu, Atambatun yooŋ buroon boone. Hirim h'ásafiniin hu ni hijahaliin dómbokun.