Popular Bible Verses from Luk 8

Share

Sinawaay seeneye su t'etaam yeejake i seemo fu bakan kiŋki kajam hirim hu, ni kanaŋ ho ti sihel seekuure but, abe ni kajok te ho alit tip ayak abin áami kabuka miriyaay meejake.

Sinawaay seeneye su t'esisa i seemo fu kiŋki kajam jak. Bare biyinoor bu iŋi bihaŋiin sembe, ni kámaŋi kite ebaj i, ni katoofu kite buroŋ bu, abe kábukaariit miriyaay meeyane.

Bakaaku kámoomi naane t'arkee du bilaaliñj. Iŋi kajam hirim hu, abe ni kajok ho atoof. Bare híbajaariit ñuyoot. Iŋi káyilen t'ewahatu kep, abe Setani af'aŋes káhiniiin keehoofoor, n'iŋi kawasan káyilen kooniin.

N'aane eriboora yeene: —Káyilen koonuun kondu diin? Ni kajahale dómbokun, abe ni kákoleyi yooŋ. N'iŋi kaanoor toko: —An buŋ me ondu? Áhamina eyam i ayan faŋ, n'ejam te o, bija yooŋ kúsuw ku fe!

Bakaake kámoomi naane ñijinu ñu ti sinawaay su sineye du. Iŋi kajam hirim hu, bare Setani n'aŋ'abin eenuutan ho ti siheliin kaanuku itim káyilen, abe yooŋ itim kafak.

Doon fe déenuusee bibin kajukiee, abe beesokutee bu fe bibin kámeyiee, beesokee mijiniŋga raŋgaw.

Anaare u ajuka kaanuku b'áhine bu bímeyiee, n'átofin ti kábitu kep, abe n'asaaho éejiŋgitan hágila Yesu. N'akamo tu buhooŋu ésuk i fe iŋi naŋ n'agoro fu, ni naane ákoyie i toko-toko. Yesu n'aano: —Waay, káyilen kúuwe kíkinineŋa n'á̱koyi. A̱ja káasuumaay.

Eriboora i ni kátofin ti Yesu kéeniyaro abe ni kaano: —Ámuse u, héyi? Úne fu kaketu! Yesu n'ániyo, abe n'akamoor t'eyam i nu tu kúsuw kómbokun ku. Eyam i n'eraan katibu ku, kúsuw ku yooŋ ni kibeb. N'asooñ akoowanee kem.