Popular Bible Verses from Mata 24

Share

Kadǝbar ka kǝmangarkur ata siya dzagǝi, yiɗǝdzǝr ndzǝ hang ata 'ya lang-lang, Ama ndǝ nam tara hyati ɓaɓal ka la dǝnta dzǝ ata mbatǝdzi.

Ba ndǝrǝr Hyal nam sǝɗa ǝni nǝr Kuhyikur ni ndǝ ata nkǝrnta akwa sanga dunya apa sakǝida ala sanga di yarɛ, ba dzá dǝntari ata si.

Gǝri ata ngati ata kǝra dlǝ mpa yarɛ ba labar ata kǝra mpa yarɛ ama ta gǝri ta hyivǝr. Dzǝli sǝ yarni kǝ ndzai ntsakǝr ata 'ya, ama dǝntari ta si kwataku wɛ.

Di ata ɗǝkǝr ata kǝra di, ba kuhyikur ata kǝra kuhyikur. Ndǝ ata 'ya mi yarɛ ba kǝngǝrǝr dai yarɛ ata 'ya akwa vui yarɛ pam-pam. Sanga sǝ yarni ani baditsǝniyir kal yarɛ nǝr thlǝ munar ya.

Atahyal aka dai ata kwatsǝni, ama labarǝrna adi ata saga kwatsǝni wɛ.

Akuya ndzǝ hang ata siya si akwa thlǝmawai, ka nkǝrɛ, ‘Yi ani Kǝrsti ni,’ Ba dar ata zǝlanta ndzǝ hang.

“Antǝ ndǝ ata siya ngǝti tǝ gǝri ka la gǝri bwanai ba tsi tǝ gǝri, ba sanga di yarɛ ata ngǝla tǝ gǝri kadǝbar yɛ. Ata saka ǝnda ndzǝ hang ata mbalntadzi ta hamnta dzǝrǝr dar ba dar ata ɓǝlai kǝma dar ka ngǝla kǝma dar, ba nabiyir hawi yarɛ hang ata sǝba ka zǝlanta ndzǝ hang.

Yɛsu ka sǝnau: “Ka gǝri vǝdzɛ hankal ta kǝlara ndǝ ta zǝlanta tǝ gǝri.

Ani gǝri yɛ kǝ ndzai ntsakǝr ka gǝri ndzai aka ɗǝmhǝdzi, kadǝbar Zǝr Ndɛ ni ata si ata saka nam kura gǝri ta ɗǝnga tǝni.

“Kadǝbar ǝni ka gǝri ndzai aka ɗǝmhǝdzi, kadǝbar gǝri ta zǝndi ata vǝr madi tǝ Thlakǝr gǝri ata si wɛ.

“Ndɛ adai nam tara zǝndi sǝ ata kǝra vǝri wala saka ni wɛ, wala ndzǝr hyantǝr Hyal nam atahyal, wala Zǝr, ama ɗiɗi Tada ni.

Akuya ndzǝr hawiyir Kǝrsti yarɛ ba nabiyir hawi yarɛ ata sǝba ka 'ya sǝr ndati yarɛ ba parsu yarɛ nam ngga-ngga ka zǝlanta wala ndzǝ nam tǝ Hyal tsarba—ma apǝri ǝndari awa 'ya.

Apa akwa vǝr yarɛ nǝr Nuhu, ani ahani tǝ siyir Zǝr Ndɛ ata 'ya. Akuya akwa vǝr yarni kabutu yimǝr afafa, ndzi ada sǝmɛ ba sa, ndǝ ada kǝl mwala ba pwarnta nkwa ala sal, har ka la vǝr nam tǝ Nuhu lǝkwa dzǝlkǝiyir yimi; ba dar ta zǝndi mima ata kǝra sǝ nam ata 'ya wɛ har tǝ yimǝr afafa si ka fati tǝ dar sang atǝra. Ani ahani ata 'ya ata vǝr siyir Zǝr Ndɛ.