Popular Bible Verses from རོ་མི། 14

Share

ཧང་ཡ་དག་ནེ་ལ་ དཀོན་མཆོག་ག་རྒྱལ་སྲིད་ཤོ་ ཟཱན་ཇམ་ག་མང་གི་ཝ་ དམ་པའི་ཐུགས་ཉིད་གི་གནང་ཁཱན་ དྲང་པུ་ སྐྱིད་པུ་དང་ ཤོ་ནང་གི༌ལ། ཨོ་ཐེན་ཨ་ཉི་ ཨི་བི་གི་ ཁིརིས་ག་ཕྱག་ཞུ་ཝ་ཐུར་ ཨོ་ཉ་སོ་ངོ་ཁེ་པ་ དཀོན་མཆོག་ག་ཐུགས་དང་ སོ་ངོ་བ་ཀ་སེམས་ཀ་ཚུད༌ཅ།

ཨའི་ཆོན་ཐཱན་ཨ་ནེ་ལ་ གཙོ་བོ་ག་དེན་གེ་ ཆོན་ཅ་གི༌ལ། ཉི་ཨའི་ཤིན་ཐཱན་ཨ་ནེ་བུ་ གཙོ་བོ་ག་དེན་གེ་ ཤིན་ཅ་གི༌ལ། ཨོ་ཉི་ཨ་དེན་གེ་ ཨའི་ཆོ་ནེ་བུ་ཤི་ནེ་བུ་ གཙོ་བོ་ག་རང་གི༌ལ།

ཨོ་ཉི་ཨ་དེན་གེ་ ན་ཤི་སྐྱིད་པུ་རིག་ཁཱན་དང་ ཐུར་དང་ཐུར་སྒྲིང་སྒྲིང་ཅོད་ཁཱན་ ལའི་བ་ཤ་ཨ་ལེ་ག་ མིག་པ་ཕི༌ཁེ།

ཨོ་ཉི་ཨ་དེན་གེ་ ཨ་ཤི་ཐུར་དང་ཐུར་ག་ ཁྲིམས་ཅཱད་པེ་ག་ཐུབ་ཐ་ཁེ། ལག་ཏང་ བཱརའ་ཡུང་ཟི་བ་ རོ་ཁེ་མ་དི་ལེ་དེན་གེ་ རོག་ཏེ་བ་ཀ་ ལམ་མ་ཏོག་པ་དག་ཉི་ ན་ཤི་མི་ལེ་ཁེ༌ལེ།

གསུང་རབ་ནང་ཀེ་ཤོན་ཅ་ གཙོ་བོ་གི་གསུངས་མ་ལ་ ཇང་ཤོ་ གསོན་པོ་དཀོན་མཆོག་གི༌ལ། ཉི་ཏོང་ཟིང་ཐམས་ཅན་གི་ ཏེས་པེ་ཁེ༌ལེ། ཉི་ནོ་ཝང་ཐམས་ཅན་གི་ ཇ་ག་མིང་ག་ ཁ་དོག་པེ་ཁེ་ལེ་ ཇི་གི་ན་ཟཱན༌ཅ་ དག་ཉི། ཨོ་ཐེན་ཤོ་ལེ་དེན་ཐ་ཤོ་ ཨའི་ཐམས་ཅན་གི་ རང་རང་ས་རྩིས་ དཀོན་མཆོག་ག་ ཕུལ་བེ་ཁེ༌ལེ།

དད་པ་སྒྲིང་སྒྲིང་མ་ཁཱན་ ཡི་ཤུ་པ་ཁེ་པ་ ན་ཧ་སེམས་ཀ་ཤོང་པེ་ཁེ༌ལེ། ཉི་རོག་ཏེ་བ་ཀི་ གི་ལ་དང་མང་གི་དག་ཉི་ མི་ཁཱན་ག་ཀོར་གེ་ ཤག་མ་རུམ༌ཤོ།

དཀོན་མཆོག་ག་ གཡོག་པ་ག་ ཁྲིམས་ཅཱད་ཁཱན་ ན་ཧ་བ་ཤོ་ ཨི་བི་གི་ལ་ཡ། རོག་ཏེ་བ་ཀི་ གོ་ཆོད་ནེ་བུ་མ་ཆོད་ནེ་བུ་ རོག་ཏེ་བ་ཀ་ ཡོན་ད་ག་ཏཱན་ རྩིས་སྤྲོད་པེ་ཁེ༌ལེ། ཉི་རོག་ཏེ་བ་ཀི་ གོ་ཆོད༌པེ། ཧང་ཡ་དག་ནེ་ལ་ དཀོན་མཆོག་གི་ རོག་ཏེ་བ་ གོ་ཆོད་པ་ཅོད་ཉི་གནང༌མེ།