Popular Bible Verses from Matiye 5

Share

Nìnbírɔ ɛ́ yáà ɲíi pɛ̃̀ntĩ́ní ɛ̀ síɛ ɓúnnin àá pã́ahṹ wɛ̀. Kɛ́ á wóò yòó bìsí lé mí bènlén, ɛ̀ lè ciení ɓɛ́ nìnbirìe lɛ wi le zũnù hũn ɓɛ́kùi. Ɛ́ mí lɛ́ nɛ mi ńpiemu ɛ̀ wé kɛ̀amu ɓɛ̀ nìnbirìe yìe hũn, bòo lɛ ɛ́ wé ɛ̀ ɓɛ̀ mi hɔ bɔ̀tente lɛ ɛ́ mí ɛ́ wé, ɛ̀ ɓɛ̀ dàá ɓàaní mì Yàá Dɔfĩn lɛ yòó van wi hɔ hóohũn.»

Mìpe temu ɛ́ iè lè dímíɲɛ́ ńpiemu. Lóo lɛ ɛ́ yòó wi ɓúkìe lɔ̀n ɛ́ yí dɛ̀ yá tànkɔ̀ní wɛ̀.

Ɓɛ̀ nìnbirìe lɛ hũn ɛ́ ce ɛ́ ɲúuhɛ̃ ɛ́ tĩ, iè hɔ̀ lɛ ɛ́ ɓɛ́ ɓén mi Dɔfĩn!

Ɛ̀ ɓɛ̀lɛ ɛ́ Dɔfĩn bòo lɛ Hɔ́ wɛ ɛ̀ cɛ̀ àá ɓɛ́ tĩɛ̀ míkùi ɛ́ ɲúuhɛ̃ ɛ́ tĩ, iè hɔ̀ lɛ ɛ́ Dɔfĩn ɛ́ ɓén lɛ́ bòo lɛ ɛ́ ɓɛ́ ɛ́ cɛ̀ ɓà ǹ!

Kɛ́ ńpe ɛ́ den ɛ́ bie lɛ́ miɛ ǹ nɛ mi wɛní mì ńbíyanliè, ɛ̀ mì wóo hɛ̃un Dɔfĩn ɛ̀ lɛ́ ɓɛ́lɛ ɛ́ mì lɔ̀n biení ǹ.

Ɛ́ Yiezu zɔn bie ɛ́ nɛ làa: «Ɓɛ̀ nìnbirìe lɛ ɛ́ tɛ̀ dũ kɛ́ ɓɛ́ iè nìkherà ɓɛ́ tĩɛ̀ hũn ɛ́ ɲúuhɛ̃ ɛ́ tĩ cɛ̃̀un, iè hɔ̀ lɛ ɛ́ Dɔfĩn bɛ́záanú bòo ɛ́ sɛ̃̀ ɓà ǹ!

Ɛ̀ ɓɛ̀ nìnbirìe lɛ ɛ́ wóò cɛ̀ hɔ̀ hũn-wiɛ̀ àá ɓɛ́lɛ ɛ́ ɓɛ́ dàa páaníɛ wi ɛ́ ɲúuhɛ̃ ɛ́ tĩ, iè hɔ̀ lɛ ɛ́ Dɔfĩn ɓén ve ɓɛ nɛ mí nìɛ!

Ɓɛ̀ nìnbirìe lɛ ɛ́ wírí ɛ́ ɲúuhɛ̃ ɛ́ tĩ, iè hɔ̀ lɛ ɛ́ Dɔfĩn ɛ́ ɓén hĩ̀iníkɛ peɓɛ̀ tĩɛ̀!

Ɛ̀ ɓɛ̀lɛ ɛ́ ɓɛ́ lɔ̀n ɛ̀ biení iè hɔ̀ lɛ ɛ́ ɓɛ́ ɛ́ Dɔfĩn tĩì bòo ɛ̀ wé ɛ́ ɲúuhɛ̃ ɛ́ tĩ, iè hɔ̀ lɛ ɛ́ hɔ́ hóohũn bɛ́záanú ɛ́ bòo sɛ̃̀ ɓà ǹ!

Ɛ̀ ɓɛ̀lɛ ɛ́ wóò mi ɓɛ nìnbirìe miinɛ̀ ɛ́ ɲúuhɛ̃ ɛ́ tĩ, iè hɔ̀ lɛ ɛ́ Dɔfĩn ɓiɛ̀ ɓén mi peɓɛ̀ miinɛ̀!

Mì ɲúuhɛ̃ ɛ́ tĩ, hɛ̀rí kɛ́ nìnbirìe ɛ́ mì tòokɛ, kɛ́ ɓɛ́ ɛ́ mì lɔ̀n ɛ̀ biení, ɛ́ hɔ̀ ɓúo àá mí ɲúuhɛ̃ ɲúuhɛ̃ ɛ̀ ɓúukɛ ɛ̀ bè mì lɔ̀n iè hɔ̀ lɛ ɛ́ mí dũmuasɛ̃̀ mi ǹ. Mì wɛní míte cɛ̃̀un, iè hɔ̀ lɛ ɛ́ sàanín bɔ̀bɛhɔ́ dɔ̀ ɛ́ Dɔfĩn ɛ́ sɛ́sɛ́a ɛ́ dàa ɛ́ mì hìé hɔ́ hóohũn. Sí iè hɔ̀pe ɓà ńmàa ɛ́ ɓɛ́ lò ɓiɛ̀ dàa bieniɛ ɓɛ̀ Dɔfĩn bɔ̀háaníriè lɔ̀n, ɓɛ̀pe lɛ ɛ́ sɛ̃̀nɛ́hã̀ dú mí híɛhɔ́ ɛ́ ɓɛrɛ.»

Ɛ̀ ɓɛ̀ nìnbirìe lɛ ɛ́ wuawi ɛ́ ɲúuhɛ̃ ɛ́ tĩ, iè hɔ̀ lɛ ɛ́ ɓɛ́ ɓén yí lé sṹsùnù lɛ ɛ́ Dɔfĩn ɛ́ lɛ́ mí ɲunù nɛ mí ɓén lɛ́ ɓà ǹ!

«Mìpe ɛ́ temu iè lè dímíɲɛ́ yɔ́mú. Kɛ́ hɔ́ yɔ́mú ɛ́ ɓen tĩmù vɔ́, ɛ̀ hɔ̀ iè ńɓùo ɛ́ ɓɛ́ dɛ̀ ɛ́ wé ɛ́ pehɔ̀ tĩmù ɛ́ dàá bĩní khũ̀á ɛ́ wé? Ɛ̀ pehɔ̀ tũ̀nú bĩniɛ mí lò. Ɛ́ ɓɛ́ ɛ́ mìí hɔ́ ɛ́ lé kóosí hɔ́ yíe, ɛ́ ɓɛ́ nìnbirìe ɛ́ wo ɛ́ vɛ lɔ̀n.

Ɛ́ mí wé nìnbirìe lɛ ɛ́ ɲunù tú, kɛ̀a bòo lɛ ɛ́ mì Yàá lɛ wi hɔ hóohũn ɛ́ dàa ɲunù tú.»

Kɛ́ mí ɓen nɛ “ũun”, ɛ̀ mì nɛ hɔ wé “ũun”, ɛ̀ mì ɓen nɛ “ńɓùé” ɛ̀ mì nɛ hɔ wé “ńɓùé”, iè hɔ̀ lɛ ɛ́ hɔ́ bòo lɛ ɛ́ mí wóò zɔ khɛ́ sĩiní ɛ́ wóò lé àá Sitũanɛ viì.»

«Mí ɲɛ́ kɛ́ hɔ́ hàarí bie ɛ́ nɛ làa: “Kɛ́ nìnbírɔ ɛ́ wúa kɔ̀ yìi, ɛ̀ piè yìi ɓiɛ̀ sãawi ɛ̀ lè wúa, ɛ̀ nìnbírɔ kɛ́ á khɛ́rɛ kɔ̀ ɲɛnlè, ɛ̀ piè ɲɛnlè ɓiɛ̀ sãawi ɛ̀ lè khán”. Kɛ́ ńpe ɛ́ bie lɛ́ miɛ ǹ nɛ mi bí wóo dì mí yúa àá nìnbírɔ lɛ ɛ́ wɔ́ miɛ khɔn wɛ̀. Kɛ́ nìnbírɔ ɛ́ laa kɔ̀ ńdóonín kekerè ɛ̀ kɔ̀ bĩní kɔ́ ǹmiinín kekerè ɛ̀ lɛ́ à ǹ nɛ a láa.

Kɛ́ kɔ́ ńdóonín yìi ɛ́ ɓen temu wóò lɛ́ ɛ̀ kɔ̀ dàá khe Dɔfĩn wṹn, ɛ̀ kɔ̀ mun lè tɛ́viɛní sɔ́n sɔ́n. Iè hɔ̀ lɛ ɛ́ hɔ́ bòo tṹ kɔ́ viì, ɛ̀ kɔ̀ khe kɔ tɛkɛ̀a sɛnù dɔ̀ ǹ, kɛ́ kɔ́ tɛkɛà míkùi ɛ̀ bí vɛ zɔ cã̀ámìnɛ́ hũn wɛ̀. Kɛ́ lé ɓen iè kɔ̀ ńdóonín núnú ɛ́ temu wóò lɛ́ ɛ̀ kɔ̀ dàa khe Dɔfĩn wṹn, ɛ̀ kɔ̀ ɓúu lé tɛ́viɛní sɔ́n sɔ́n, iè hɔ̀ lɛ ɛ́ hɔ́ bòo tṹ kɔ́ viì, ɛ̀ kɔ̀ khe kɔ tɛkɛ̀a sɛnù dɔ̀ ǹ, kɛ́ kɔ́ tɛkɛ̀a míkùi ɛ̀ bí vɛ zɔ cã̀ámìnɛ́ hũn wɛ̀.»