Popular Bible Verses from Matiye 27

Share

Ɛ́ lépe wu-háaré sɔ hũn, ɛ́ Yiezu ɛ́ zɔn bérɛ cɛ̃̀un ɛ́ nɛ: «Eli, Eli, lema sabakatani?» Iè bòo á nɛ: «Niǹ Dɔfĩn, niǹ Dɔfĩn, hɔ ńɓùo ɛ́ kɔ́ dàa fùɛrɛ̀sí mi ǹ?»

Ɛ́ pehɔ̀ yìi hũn, ɛ́ lé fúrɛ́ dɛ̀bɛhɔ́ lɛ zɔn can dɛ̃̀ ɛ́ cérɛ lè Dɔfĩn zũnù tĩ́ihṹ ɛ́ zɔn khã̀a ɛ́ yòó lɔ́ hɔ́ hóohũn fúu ɛ́ ɓen síɛ tɛ́rɛ. Ɛ̀ lè sṹsùnù ɛ́ síɛ zɛ̀, ɛ̀ hɔ̀ lɛhĩ́ ɛ́ wánkɛa, ɛ́ hɔ́ búo ɛ́ hánkɛa, ɛ́ ɓɛ́ nìnbirìe lɛ ɛ́ húrunkɛ kɛ́ ɓɛ́ dũmuasɛ̃̀ Dɔfĩn bìkuì ɛ́ vìekɛa yòó lɔ́.

Ɛ́ Yiezu ɛ́ bĩniɛ zɔn ɛ́ wũamɛa cɛ̃̀un à wo húrun.

Á sɛ̃̀nɛ̀dɔ́síɓɛ́ ɲúnsɔ àá ɓɛ́pe sɛ̃̀nɛ̀dɔ́síɓɛ́ lɛ hṹn wi àá ɔ́ ɛ́ dàa ɛ́ Yiezu hìénin ɛ́ mɔn bòo lɛ ɛ́ lé sṹsùnù dàa zɛ̀ àá hɔ́pe bòo lɛ ɛ́ wɔ́, ɛ́ ɓɛ́ hɛ̀ zɛ́rɛ cɛ̃̀un ɛ̀ ɓɛ̀ ɛ́ bie ɛ́ nɛ làa: «Àpe nùún sɔ lɛ ɛ́ hɛ̀ hṹn iè ɔ̀pe Dɔfĩn Zuú àá bɔ̀bín.»

Ɛ́ bòo lɛ ɛ́ lé wurù ɛ́ yòó dɛ̃un lè sí tĩ́ihṹ, lè wúsɔn-dáabíi hũn, ɛ́ hɔ́ síbínú yòó wɔ́ lé sṹsùnù míkùi lɔ̀n fúu ɛ́ van dɛ̃un lè wu-háaré.

Ɛ́ Pilaate zɔn ɛ́ ɓɛ̀ dìenin nɛ làa: «Ɛ́ hɔ́ iè ńɓùo ɛ́ mí nɛ n wé àá ɔ́ Yiezu lɛ ɛ́ ɓɛ́ wóò ve nɛ Kirisa?» Ɛ́ ɓɛ́pe ɓɛ́kùi ɛ́ zɔn nɛ: «Ɓáa ɔ́ lè ɓáalén dãanù lɔ̀n.» Á Kuvɛrɛnɛɛre ɛ́ zɔn ɛ́ ɓɛ̀ dìenin nɛ làa: «Kɛ́ hɔ́ den iè hɔ̀ bɔ̀koohɔ́ hɔ́sɔ á wɔ́?» Ɛ́ ɓɛ́pe ɓɛ́kùi ɛ́ bĩniɛ wookɛa zɔn bénkɛ cɛ̃̀un ɛ́ nɛ: «Ɓáa ɔ́ ɓáalén dãanù lɔ̀n!»