Popular Bible Verses from Matiye 19

Share

Ɛ́ Yiezu ɛ́ huie ɓɛ̀ à zɔn bie lɛ́ ɓà ǹ ɛ́ nɛ làa: «Hɔ̀ iè bòo lɛ ɛ́ yí dɛ̀ yá wé nìnbirìe viì, kɛ́ bòo míkùi ɛ́ pe wóò wé yí Dɔfĩn viì.»

Ɛ́ kɛ̀amu, ɛ́ ɓɛ́ wo bĩniɛ ɛ́ yí nìɛ ɓɛ̀ ɲu, kɛ́ ɓɛ́ iè nìnbí-cóoní. Ɛ́ Dɔfĩn bòo lɛ ɛ́ Hɔ́ wɔ́ àá dìcóoní ɛ́ nìnbírɔ ɛ́ bí sankɛ wɛ̀.»

Ɛ́ Yiezu ɛ́ zɔn kɔ̃́niɛ ɓɛ̀ ɛ́ nɛ làa: «Mí bìe ɛ́ yí kɛ̀rán hɔ́ bòo lɛ ɛ́ wɛ̃́ lé Dɔfĩn bienù vɛ̃hṹ hũn? Hɔ̀ ɛ́ wɛ̃́ yán ɛ́ nɛ làa: Bòo míkùi fìi ɓánlén ɛ́ Dɔfĩn ɛ́ mɛ́ á bɛ́rɔ àá ɔ́ hṹnu ɛ̀ Hɔ̀ ɛ́ bie nɛ: Ɛ́ sí iè hɔ̀pe á bɛ́rɔ ɛ́ dàa ɛ́ wóo fùansí ɓá yàá àá ɓá nín ǹ à ɛ́ khíi cɛɓán àá ɓá hṹnu, ɛ́ ɓɛ́pe ɓɛ́ ɲuunáa ɛ́ wo wé tɛkɛ-cóoní.

Kɛ́ Yiezu pe den zɔn bie ɛ́ nɛ làa: «Mì fùansí ɓɛ́ zĩncɛ́-cíini ǹ nɛ ɓɛ ɓen niǹ viì, ɛ̀ mì bí si ɓɛ wɛ̀; iè hɔ̀ lɛ ɛ́ Dɔfĩn bɛ́záanú bòo ɛ́ sɛ̃̀ ɓɛ̀lɛ ɛ́ kɛ kɛ̀a ɓɛpe.»

Ɛ́ ɓɛ́ hándíe bìkùi ɛ́ ɓén wé mɛ́ndíe, ɛ̀ ɓɛ̀ mɛ́ndíe bìkuì ɛ́ ɓén wé hándíe.»

Ɛ́ nìnbírɔ lɛ fùɛrɛ̀sí mí zĩhĩ́ɛ ǹ, tàá ɓá zɛ̀ɓɛ̀, tàá ɓá hĩ́ini, tàá ɓá yàá, tàá ɓá nín, tàá ɓá hṹnu, tàá mí zɛ̀ɓɛ̀, tàá mí mɛ̃hɛ̃, ǹpe niǹ yèrè bòo hũn, ɛ́ ɓàasɔ ɛ́ ɓén yí hɔ́pe sí míkùi fúu yìe khĩminù, à lò ɛ́ yí lé mɛkɛ̃nì lɛ yá vé.

Ɛ́ Yiezu ɛ́ zɔn bie lɛ́ à ǹ ɛ́ nɛ làa: «Kɔ́ ɓen wɛ nɛ kɔ ce ɛ̀ ɲunù tí, ɛ̀ kɔ̀ vɛ yìɛní kɔ́ bòo lɛ ɛ́ kɔ́ dàa míkùi ɛ̀ khíi lɛ́ pe hɔ̀ màa ɓɛ̀ nìkherà ǹ, ɛ́ kɔ́ ɓén yí yírɛ́ hɔ̀ hóohũn; ɛ̀ kɔ̀ ɓen bè niǹ máahṹ.»

Ɛ́ Yiezu zɔn kɔ̃́niɛ ɔ̀ ɛ́ nɛ làa: «Kɔ́ wiɛ dàá ɛ́ nìn dìenin àá bɔ̀tente bòo? Dɔfĩn mí dòonún ɛ́ temu iè nìtente. Kɔ́ ɓen wɛ nɛ kɔ yí lé mɛkɛ̃nì, ɛ̀ kɔ̀ tɛ̀ ɛ̀ wé hɔ́ bòo lɛ ɛ́ hɔ́pe Dɔfĩn nɛ a nìnbírɔ ɛ́ fɔ́ɓán à wé.»

Ɛ́ nín bĩní bie lɛ́ miɛ ǹ nɛ ńɲúkṹmì ńzɔ khíi àá mísĩ́mí kṹun ɛ́ den wuawi pɔ bòo ɓàasɔ ńzɔ Dɔfĩn bɛ́záanú hũn.»

Ɛ́ nin bie lɛ́ miɛ ǹ nɛ bɛ́rɔ kɛ́ á ɲɛun ɓá hṹnu, kɔ́ hɔ́ lò yí bòo á iè bɛ́fé, à khie yan hɛ̃́-ɓuɛ̀, hɔ́rɔsí àpe bɛ́rɔ sɔ ɛ́ iè hɛ̃́fé.»

Ɛ́ Yiezu ɛ́ khie ɛ́ bie àá mí kɛ̀ránzɛ̀ɓɛ̀ ɛ́ nɛ làa: «Nin bie hɔ lɛ́ miɛ ǹ àá bɔ̀bín nɛ hɔ hɛ̀ hie ɛ̀ bòo ɓàasɔ ɛ̀ zɔ hóohũn bɛ́záanú.